Qazaqstan Respýblıkasynyń Prezıdenti Qasym-Jomart Kemeluly Toqaevtyń búgingi Úndeýi der kezinde, dál ýaqytynda jasalǵan asa mándi sheshim.

Sebebi, Qazaqstan halqy osynaý saıası sheshimdi degbirsizdene kútý ústinde bolatyn. İrgesin Qazaqstan Respýblıkasynyń Tuńǵysh Prezıdenti, Elbasy Nursultan Ábishuly Nazarbaev qalap, qazaq elin búkil álemge tanytqan, Máńgi El bolamyz degen tujyrymdamasy bar memleketimizdiń tutqasyn bolashaqta qandaı tulǵa ustaıdy degen saýal árbirimizdiń kókeıimizde shamshyraqtaı mazdap turǵany jasyryn emes edi. Endi sol bir aıaýly da mańyzdy sáttiń qaı kúni júzege asaryn Qasym-Jomart Kemeluly Toqaev myrza belgilep berdi.

Endigi sharýa – burynǵy babalarymyzdan qalǵan «Birlik bolmaı tirlik bolmas» degen uly ustanymnyń aıasynda sol asyl babalarymyz armandaǵan Táýelsizdigimizdiń kók baıraǵyn qısaıtyp almaı áreket etip, shyn mánindegi Uly Dalanyń ulaǵatty uldaryna laıyq bir jaǵadan bas, bir jeńnen qol shyǵaryp yntymaqtastyqtyń úlgisin kórsetýge tıispiz.

Uly Dalanyń uly perzentteriniń biri Zaratýshtranyń «İzgi oı oıla. İzgi sóz sóıle. İzgi is tyndyr» degen qaǵıdaty bar edi. Búgin İzgi oıdan týyndaǵan İzgi sóz sóılendi. Alda osy izgilikterdi iske asyrar úlken is-shara tur.

Alla bárimizge bir týdyń astynda jıylyp, ádil tańdaý jasar ymyra násip etsin.

Aqyn Maraltaı Raıymbekuly