"SHALDAN" SHYQQAN SHATAQ nemese "KEŃKELESTER" KEŃESİNDEGİ OITUJYRYM...

KSRO (SSSR) zamanynda batpandap kirgen ıdealogıa, mysqaldap shyǵa almaı jatqany, kóptegen qandastarymyzdy oılandyratyny shyndyq... Onyń sebepteri men saldary da kóp shyǵar, bálkim?! Reseıdiń qazirgi jaǵdaıy - On tórt balasynyń birde - bireýi qaramaı "qarttar úıine" aparyp tastaǵan shaldyń jaǵdaımen salystyrýǵa bolady... Bİreýi - nanyń ákep berse, bireýi - malyn ákep beretin, bireýi - basy aýyrǵanda araq - sharap ákelip beretin "uldarynan" aırylǵan shaldyń keıpin kóz aldyńyzǵa elestetedi... Sol "shal" áli de jastyq shaǵyn, ótken kúnin ańsaýy tabıǵı zańdylyq. Keıbir uldaryna qamshy úıirip, ospadyryq qylyǵyn da kórsetip qoıady. Biraq, jeke otaý tigip alǵan "Uldary" onyń eskirip qalǵan saıasatyna kóngisi kelmeıdi...(Ýkraına, Moldova, Grýzıa, Baltyq jaǵalaýyndaǵy respýblıkalar t.s.s) Bİrneshe ǵasyr ımperıa bolǵan Reseıdiń ambısıasy álemdik sanksıaǵa alyp keldi. Degenmen, kórshiniń qotyryn qası bergenimizden eshteńe utpaımyz jáne onyń saldary da aýyr bolýy múmkin... Atam qazaq: - Úı satyp alma, kórshi satyp al, - degen sóz beker bolmasa kerek!!! K.Markstiń (Levı Mordoheı) áleýmettik eksperımenti KSRO - degen laboratorıada jetpis jyl synaqtan ótip, ómirsheń emes ekendigin dáleldep berdi. Sol "Polıgonnyń" zardaby tánimizdi de, janymyzdy da ýlap, rýhanı degradasıaǵa ushyratqan da shyǵar... P.S. Kórshiniń úıinen órt shyqsa, sonyń ushqyny bizdiń úıge de zıanyn tıgizýi múmkin ǵoı degen izgi oıdan týyndaǵan oı ǵana...

Sovetqazy Nursıla, facebook