QR AQDM azamattyq qoǵam jáne din isteri komıtetteriniń tóraǵalary taǵaıyndaldy dep habarlaıdy Qamshy.kz aqparat agenttigi QR Premer-Mınıstriniń baspasóz qyzmetine silteme jasap.

QR aqparat jáne qoǵamdyq damý mınıstriniń buıryǵymen Álıa Qaıratqyzy Ǵalymova Azamattyq qoǵam isteri komıtetiniń tóraıymy bolyp jáne Erjan Bolatqanuly Núkejanov Din isteri komıtetiniń tóraǵasy laýazymyna taǵaıyndaldy. 

Á. Ǵalymova 1970 jyly Pavlodar qalasynda dúnıege kelgen. Ál-Farabı atyndaǵy Qazaq ulttyq ýnıversıtetinde bilim alǵan. Túrli jyldary Qazaq-German tehnıkalyq bıznes-kolledjinde, Pavlodar memlekettik ýnıversıtetinde, L. Gýmılev atyndaǵy Eýrazıa ulttyq ýnıversıtetinde oqytýshy boldy. 2003-2010 jj. Qazaqstan Respýblıkasy Prezıdenti Ákimshiliginiń qurylymynda bas sarapshy, bólim meńgerýshisi, ishki saıasat bólimi meńgerýshisiniń orynbasary bolyp jumys istedi. 2010-2012 jj. Pavlodar oblysy ákiminiń orynbasary. 2012-2015 jj. Qazaqstan Respýblıkasy Bilim jáne ǵylym mınıstrliginiń Jaýapty hatshysy bolyp qyzmet etti. 2016 jyly «Nur Otan» partıasynyń Tóraǵasynyń Birinshi orynbasarynyń keńesshisi boldy. 2016 jyldyń qarashasynan Azamattyq qoǵam isteri komıtetiniń tóraıymy qyzmetin atqardy.

E. Núkejanov 1981 jyly Almatyda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. 2002 jyly eńbek jolyn «Qazaqstan teledıdary men radıosy» respýblıkalyq korporasıasy» JAQ aqparattyq-taldamalyq qyzmetiniń redaktor-júrgizýshisi bolyp bastaǵan. 2002-2009 jyldary Halyqaralyq zamanaýı saıasat ınstıtýtynda, «Habar» agenttiginde, «Nur Otan» respýblıkalyq saıası partıasy» QM-da, QR Mádenıet jáne aqparat mınıstrliginde jumys istegen. 2009-2016 jyldary — QR Prezıdentiniń Baspasóz qyzmetinde sarapshy, keńesshi jáne sektor meńgerýshisi retinde qyzmet etken. 2016-2018 jj. QR Parlamenti Májilisiniń Apparat Basshysynyń orynbasary laýazymyn atqarǵan. 2018 jylǵy maýsmynan bastap Aqparat komıtetiniń tóraǵasy qyzmetin atqarǵan.

Usynǵan: Maqpal Sembaı