Elimizde saılaý naýqany bastalysymen nýmerolog, astrolog, ekstrasensterdiń jumysy qyza tústi. Mamandar eldi bolashaqta basqaratyn prezıdentke úmitkerlerdiń týǵan kúnderine qarap, kimniń aıy ońynan týyp, kimniń bul laýazymǵa qol jetkizetinin boljaýǵa kiristi. Bul týraly Qamshy.kz aqparat agenttigi Eýrazıa birinshi arnasy daıyndaǵan materıalǵa silteme jasap habarlaıdy.
Elimizde ótetin kezekten tys prezıdenttik saılaýǵa eki aıdan az ýaqyt kún qaldy. Partıa ókilderi saıası dodaǵa qatysatyn óz úmitkerlerine tańdaý jasap jatqanda, keleshekti boljaıtyn mamandardyń da jumysy qyza túskendeı. Arqasy barlardyń biri ata-babalarymen baılanysqa tússe, ózgesi otpen túrli joramaldar jasaýda. aıtqandary ártúrli bolǵanymen, bári biraýyzdan bul saılaý burynǵyǵa qaraǵanda áldeqaıda qyzý-tartysqa toly bolady deıdi.
"Óz basym prezıdenttike úmitker retinde tek 3 adamdy kórip otyrmyn", - ekstrasens Vıktor Aleksandrovskıı.
Qazirdiń ózinde áleýmettik jelide saılaýǵa túsýi múmkin kandıdattardyń aty-jónderi aıtylýda. Ázirge boljamǵa sáıkes, Azat Perýashev, Álı Bektaev, Aıqyn Qońyrov, Jarmaqan Tuıaqbaev sekildi parıa serkeleri mańyzdy dodada baqtaryn synap kóredi. Al, keıbir baqsy-balgerler bolsa olardyń saılaýǵa qatysa qalǵan kúnniń ózinde jeńiske jetýi ekitalaı deıdi. Máselen o dúnıelik bolǵan ata-babasymen jıi baılanysqa túsetin Toqbergen Baıtasov bul úmitkerlerdiń eshqaısysy dara shappaıtynyn aıtady. Óıtkeni...
"Saılaý úlken dúrbeleńmen ótedi. Talas-tartys bolady jáne saılaý eki ret ótedi. Tylsym kúshterdiń eskertýi boıynsha eki-úsh adamnyń múmkindigi bar. Biraq ony bizder ázirge aıta qoımaımyz. Óıtkeni, áli tolyq eshkim ózin usynyp, jarysqa túse qoıǵan joq. Biraq, bulardyń ishinde el basqarýǵa laıyq azamattar bar", - dedi baqsy Toqbergen Baıtasov.
Kandıdat boýly yqtımal degen joǵarydaǵy azamattardyń týǵan jyldaryn nýmerologtarǵa kórsettik. Máselen, senator Álı Bektaevtyń nýmerologıasynda 4,6 sany kóp. "Ol eńbekqorlyqtyń belgisi" deıdi mamandar. Degenmen, sáttilikke jaýap beretin, 7-8 sandary joq. Ol degenińiz....
"Bul adamnyń kodynda úkimet jumysyn jasaıtyn, sheneýniktiń kody bar. Prezıdent bolady degenge 100 paıyz aıta almaımyn. Sandary ortasha", - nýmerolog Quralaı Baqytqyzy.
Al, Azat Perýashev pen Aıqyn Qońyrovtyń memlekettik qyzmette emes bızneste biraz jetistikke qol jetkizetinderin aıtady. Sondyqtan da saılaýǵa túsýge áli erterek deıdi. Degenmen, aldaǵy doda eger qatysa qalǵan jańdaıda olar úshin sátti bolatyn kórinedi. Tanymaldylyǵy artady, tájirıbe jınaıdy.
"47 jylǵy... 23 qarasha 47 jyly dúnıege kelgen. Bul jyl bul kisige óte jaqsy jyl. Jumysyn aýystyrady. Bul kisi prezıdent bolǵysy kelse oǵan sátti. Sáttilikke jaýap beretin sandary kóp bolyp tur", - dedi Quralaı Baqytqyzy.
Osylaısha, bolashaqty buljytpaı boljaıdy degen adamdardyń ózi aldaǵy saılaýda kimniń baby men baǵy kelisetinni dóp basyp aıta almady. Degenmen, 2019 jyldyń 9 maýsymy yrymdap tańdalǵan data ekenin aıtady. Iaǵnı, boljamshylardyń pikirinshe, jyldyń ekinshi jartysynda elimizde jańa sıkl bastalmaq. Halyqtyń ál-áýqaty jaqsaryp, ekonomıkalyq, rýhanı jetistikterge qol jetkizemiz.
Usynǵan: Gúlim Jaqan
