Dárigerler kómekke júgingen áıeldiń kózinen birneshe arany taýyp alǵan. Iá, kádimgi ushyp-qonyp júretin, shaqsa janyńdy kózińe kórsetetin ara. Aralar áıel adamnyń kózindegi jas ózekterimen, deneden, kózden bólinetin suıyqtyqtarmen qorektenip kelgen.

Taıvan elinde aranyń eń kishkentaı dep eseptelinetin túri ómir súredi. Ony ǵylymda da, jergilikti aımaqtarda da «taı arasy» dep ataıdy. Aranyń atalǵan túri sońǵy ýaqyttarda jer betinen asa úlken qarqynmen joǵalyp bara jatyr. Al ǵalymdardyń aıtýynsha, aralar joǵalsa, ekojúıeniń buzylýy oryn almaq.

Aralar jappaı qyrylmaǵan eken...

Ǵalymdar aralardyń atalmysh túri adam aǵzasyn jáne odan bólinetin túrli suıyqtyqtarǵa asa qumar ekenin dáleldep otyr.

29 jastaǵy taıvandyq áıeldiń janarynan dárigerler tórt birdeı arany tapqan. Olar osy ýaqytqa deıin kóz jasynyń ózegimen qorektenip kelipti. Al kózine ara uıalaǵan degen oı áıeldiń úsh uıyqtasa túsine kirmegen. Kózine qatty nárseniń túskenin baıqap, sodan keıingi janyna batqan aýrý men toqtamaı aqqan jas jetelep kelgen-mys áıeldi dárigerlerge.

Áıeldiń janaryna ota jasaǵan dáriger Hýng: "Mıkroskoppen qaraǵanda, men kózdiń jıegindegi jándikterge uqsaıtyn bir nárseni baıqap qaldym. Muqıat, kóz almasyna zalal keltirmeı, olardy alyp shyǵýǵa tyrystym", - deıdi.

Nátıjesinde kóz uıashyǵynan alynǵan aralardyń barlyǵy tiri bolyp shyqqan. Áıeldiń de densaýlyǵy birqalypty deńgeıde saqtaldy.