«Elbasy N.Á.Nazarbaevtyń jýyrda ǵana halyqqa joldaǵan «Ult jospary – 100 qadam» úndeýi M.Áýezov atyndaǵy Qazaq Memlekettik akademıalyq drama teatrynda da talqylandy»-dep habarlaıdy teatrdyń «Baspasóz qyzmeti». Aldymen, teatr dırektory, QR Eńbek sińirgen qaıratkeri Erlan Ábdildauly Bilálov óner ujymynyń tehnıkalyq quramyna Prezıdent úndeýin tanystyrsa, shyǵarmashylyq qurammen qyzý talqylady. Teatrdyń tuǵyry bıik, abyroıy asqaq artıseri Sábıt Orazbaev, Torǵyn Tasybekova, Esmuhan Obaev, Baıan Imashevalar óz oılaryn ortaǵa salsa, jastar jaǵy el bolashaǵy úshin mańyzdy bolǵan «100 naqty qadamdy» qoldaıtyndaryn bildirdi.

- Prezıdenttiń jospary  «100 naqty  qadam» dep atalady. Bul jospar – «Jahandyq jáne ishki syn – qaterlerge jaýap beretin, jańa tarıhı jaǵdaılarda Qazaqstannyń aldyńǵy qatarly damyǵan Álemniń otyz memleketteriniń qataryna kirýi jónindegi jospary» ekendigi atap kórsetilgen. Bul josparda «Kásibı memlekettik apparat qurý», «Zańnyń ústemdigin qamtamasyz etý», «Indýstrıalandyrý jáne ekonomıkalyq ósim», «esep beretin memleketti qalyptastyrý»  degen syndy birneshe bólimderden turatyn resmı qujattyń ón boıynda memleket damýynyń aldaǵy ýaqyttaǵy 100 qadamy aıqyndalǵan. Jospardyń birinshi bóliminde kásibı memlekettik apparat qurý máselesi qarastyrylǵan.  Bizdiń M.Áýezov teatryda memlekettiń akademıalyq teatry  bolǵandyqtan bizdiń barlyq qyzmetkerler de memlekettik qyzmet sanatyna kiremiz. Sondyqtan, bul jospardyń Sizder úshin de mańyzy joǵary dep esepteımin,-deı kele, E.Bilálov resmı qujattyń basty baǵyttaryn, Elbasynyń negizgi ustanymyn baıandady.