Keshe Májilis depýtaty, "Aq Jol" partıasy lıderi Azat Perýashev QR Bilim jáne ǵylym mınıstrin synǵa alyp, qaıta-qaıta zańdy aýystyra bergennen, sheneýnikti aýystyrǵan álde qaıda tıimdi ekenin aıtty. Bul týraly "Qamshy" portaly Zakon.kz-ke silteme jasaı otyryp habarlaıdy.
Parlament depýtattarynyń aldynda bul joly Bilim jáne ǵylym mınıstri esep berdi. Atqarǵan sharýalaryn aıtty. BǴM shamasy jetpegen sharýalarǵa depýtattardyń aralasýyn surady.
Birinshi: Aslan Sárinjipov myrza Qazaqstan Respýblıkasy BǴM ishindegi jemqorlyq máselesin ashyq moıynaǵan alǵashqy mınıstr bolyp tarıhta qalatyn boldy. Ol ózi basqaryp otyrǵan mınıstrlikti jemqorlyq jaılaı bastaǵynyn moıyndady.
Ekinshi: Qazaqstandaǵy jekemenshiktegi JOO jabý týraly bastama kóterdi. Óıtkeni atalmysh mekemeler (JOO) dıplom satý ornyna aınala bastaǵany jasyryn emes edi.
Úshinshi: Oqý jyly aıaǵynda mektep bitirýshi túlekterdiń arasyndaǵy sýısıd máselesiniń órshı túsetini taǵy bar. Aslan myzranyń aıtýynsha, mektep bitirýshiler men mektep jasyndaǵy jasóspirimder arasyndaǵy sýısıd kórsetkishi 35 paıyzǵa tómendegen. Dese de byltyrǵy jyly 190 oqýshynyń ózine ózi qol jumsaý faktisi tirkelgen.
- Meniń oıymsha, 190 - bul tym kóp. Tipti 1 balnyń ólimi biz úshin orny tolmas qasyret. Biz bárimiz, mektep, ata-analar, quqyq qorǵaý organdary, psıholotar birlesip jumys isteýimiz kerek. Balaǵa mekteptegi faktorlar áser etýi múmkin. Alaıda, oqýshy kúniniń jartysyn ǵana mektepte ótkizedi. Qalǵan ýaqytta bala densaýlyǵyna - ata-ana jaýapty,-deıdi
Tórtinshi: Mınıstr myrza men depýtattyń arasynda túsinispeýshilik týǵyzǵan másele - qarastyrýǵa usynylǵan, alaıda qarastyrylmaǵan jańa zań jobasynda. Bul "QR BǴM máselelerine qatysty birqatar zańnamalyq aktilerge qosymshalar jáne túzetýler engizý týraly" edi. Qarapaıym tilmen aıtqanda, bıylǵy jyldan bastap elimizdegi barlyq JOO-yn attestasıadan ótkizýdiń ornyna barlyǵyn birdeı táýelsiz akredıtasıadan ótkizý kerek bolatyn. BǴM basshysyna bulaısha jarlyq bergen - Elbasy edi. Alaıda Elbasy shegelep bergen tapsyrmany sheneýnik oryndamaǵan. Bul óz kezeginde "Aq Jol" partıasy jetekshisiniń ashýyn týǵyzǵan.
Azat Perýashev, Májilis depýtaty:
- Ne boldy? Prezıdent tapsyrmasyna sáıkes, bıyl barlyq JOO-daryn tolyq attestasıalaýdan bas tartyp, ornyna tolyq akredıtasıalaýǵa kóshýimiz kerek edi. Bilim mınıstri bul tapsyrmany oryndaı almady. Endi kelip, bizge ne úshin oryndaı almaǵanyn aıtyp aqtalýda. Onyń (Aslan Sárinjipov - t.a.) aıtýynsha, JOO-y bul júıege tolyq daıyn emes. Daıyn bolmaı shyqsa, olardyń (JOO) kemshiligi. Mınıstr myrza máseledegi kemshilikterdi sheshýdiń ornyna bizge kelip, zańdy aýystyrýdy usynyp otyr. Buny qalaý túsinýge bolady? Prezıdenttiń naqty tapsyrmasy bar. Al tapsyrma oryndalmaǵan. Bizge kelgen mınıstr myrza, "endi jaǵdaı solaı bolyp qaldy, zań jobasyn aýystyra salaıyq", deıdi. Joq. Keı kezde qaıta-qaıta zańdy aýystyra bergennen góri, túk bitire almaıtyn mınıstrdi aýystyra salǵan tıimdileý. Osyǵan oraı meniń mınıstri myrza suraǵym bar edi. Siz Prezıdenttiń akredıtasıalaýǵa kóshý týraly tapsyrmasyn aıaqsyz qaldyrdyńyz. Bizge kelip, zańdy aýystyraıyq degenshe, nege óz erkińizben otstavkaǵa ketpeısiz?
"Aq Jol" fraksıasy lıderi bul joly tym ashýly, qabaǵy qatýly boldy. Ol jýrnalıserge bergen suhbatynda parlamenttegi "Aq Jol" fraksıasy bul zań jobasyn maquldamaıtyn ashyq jetkizdi.
Aslan Sárinjipov, QR Bilim jáne ǵylym mınıstri:
- Ár baǵdarlama úshin JOO-y 5 mıllıon teńge tóleıdi. Qazir aqsha tólegen jeke menshik JOO barlyǵy akreıtasıadan ótti. Bul durys jol emes. Aqsha tólegenmen kem-ketikter túzetilmeıdi. Sondyqtan biz akredıtasıalaý isin keıinge shegerip otyrmyz. Sondaı-aq, mini kóp mınıstrliktiń tizginshisi Aslan myrza, óziniń otstavkaǵa ketý, ketpeýin sheshetin Prezıdent ekenin aıtty. Al Azat Perýashevtiń málimdemesine keler bolsaq, olar usaq (jeke menshiktik) JOO-yń múddesi úshin qyzmet etýshi, bilimdi bıznespen shatastyrǵan lobbılerge aınalǵan. Elbasy tapsyrmasyna sáıkes, biz mundaılarmen kúresýdemiz. Árıne, olar qarsylyq tanytady, synaǵan bolyp kórinedi. Biraq, biz alǵan baǵytymyzdan qaıtpaımyz. Mınıstrdiń málimdemesine qatysty "Aq Jol" jetekshisiniń jaýaby da kóp kúttirmedi. Azam Perýashev, Aslan Sárinjipovti, ózine jala japqany úshin sotqa beretinin aıtty. Degenmen ol óziniń jeke bıznesmenderdiń múddesin qorǵaıtynyn jasyrmady. Tipti, bul Elbasynyń saıasaty dep te aqtaldy.
Nurgeldi Ábdiǵanıuly
