Bir aptaǵa sozylǵan dúbirli dodanyń da sońǵy saıysy aıaqtaldy. Kókpardyń toptyq kezeńi boıynsha úzdik shyqqan qos komanda – Qazaqstan men Mońǵolıa kókparshylary fınaldyq kezdesýde naǵyz myqtyny anyqtady dephabarlaıdy BAQ.KZ.

Azıanyń azýly kóshpendileriniń urpaqtary arasynda ótken kezdesý tartysqa toly boldy. Qazaqstan quramasynyń kapıtany, "Kókpar oıynynyń uly oıynshysy" atanyp úlgergen jas beren Qurmanbek Turǵanbektiń jigitteri alań qojaıyny ózderi ekenin buǵan deıin de dáleldegen edi, fınalda da baryn saldy.

Al buǵan deıin Azıa chempıonatynda Aýdaryspaq boıynsha 80+ kelide chempıon atanǵan, Teńge ilýdiń Qola júldesin qanjyǵasyna baılap úlgergen Jeńisbek Serikulynyń komandasy da myqtylyǵyn tanytty.

Sonymen baıan-ólgıılik baýyrlarmen ótken kezdesýdiń alǵashqy bóliginde qos komanda esepti 2:1-ge jetkizdi.

Kórermenniń, ásirese Búkilálemdik etnosport konfederasıasynyń İİ halyqaralyq forýmyna kelgen sheteldik qonaqtardyń qanyn qyzdyryp, naǵyz kóshpendilik rýhty sezindirgen ekinshi taımda oıynshylar esepti 8:3-ke jetkizdi. Jeńis jerlesterimizdiń taqymynda týlady. Qazaqstan quramasy Azıa chempıony atandy.

Osylaı Elbasynyń tikeleı tapsyrmasymen jarıalanǵan Jastar jyly aıasynda QR Ulttyq sport túrleri qaýymdastyǵynyń uıymdastyrýymen ótken Jastar arasyndaǵy tuńǵysh Azıa chempıonatynyń Kókpar boıynsha jeńimpazy Qazaqstan quramasy boldy.