Qazaqstan Respýblıkasynyń Prezıdenti Nursultan Nazarbaevtyń bıylǵy jylǵy joldaýynda bilim berý nysandarynyń qurylysy da nazardan tys qalmady. «Nurly jol – bolashaqqa bastar jol» aıasynda elimizdiń barlyq oblystarynda, aımaqtaryndaǵy eski mektepter jańartylyp, úsh aýysymdaǵy mektepterdi joıý jáne jańa oqý ǵımarattaryn salý Prezıdent tapsyrmasynyń basym baǵyttarynyń biri bolyp tabylady. Ońtústik Qazaqstan oblysynda bıyl 101 bilim nysanynyń qurylysy júrgizilýde. Qurylysy júrip jatqan nysandardyń 82-si mektep bolsa, 14 jańa balabaqsha al, qalǵan 5-i mektep janyndaǵy qosymsha qurylystar. Osy bilim nysandarynyń 67-i bıyl paıdalanýǵa beriledi. Onyń ishinde 49 bilim nysandarynyń 27-i apatty, 3-i - úsh aýysymdy mektepter bolsa, 13-i balabaqsha. Sondaı-aq, balǵyndardy balabaqshamen qamtý maqsatynda jyl sońyna deıin 12 myń balany qamtıtyn 95 mektepke deıingi uıym paıdalanýǵa beriledi. Onyń 48-i memlekettik-jekemenshik seriktestik aıasynda ashylmaq. Ońtústik Qazaqstan oblystyq bilim, jastar saıaaty jáne tilderdi damytý basqarmasynyń málimetinshe óńirimizde 1-6 jas aralyǵyndaǵy 151948 balany qamtıtyn 1412 mektepke deıingi uıym jumys isteıdi. Esterińizge salsaq, byltyr óńirde 115 bilim nysannyń qurylysy júrgen bolsa, «Balapan» baǵdarlamasy aıasynda mektepke deıingi 160 uıym iske qosylǵan.