Qazaqstan Táýelsizdik alǵan 24 jyldyń ishinde qazaqstandyq órender Halyqaralyq bilim olımpıadalarynyń jeńimpazy bolyp, jeńis tuǵyrynan túspeı keledi. Árıne, osy jyldar aralyǵynda bizdiń oqýshalyrdyń sheteldik bilim olımpıadalarynan jeńip alǵan júldeleri – ondaǵan myńnan asp jyǵylǵan. Solardyń ishinde Ońtústik Qazaqstan oqýshalyr da san márte topty jaryp, shetelderde jeńis tuǵyrlaryna kórinip júr. Ońtústikqazaqstandyq oqýshylar bıyl úshinshi ret respýblıkalyq qazaq tili olımpıadasynyń jeńimpazy atandy. QR Bilim jáne ǵylym mınıstrligi men halyqaralyq «KATEV» qoǵamdyq qorynyń» uıymdastyrýymen Astana qalasynda ótken «Jarqyn bolashaq» Vİİ respýblıkalyq «KATEV» qazaq tili olımpıadasyna qatysqan oqýshylar 2013, 2014 jylǵy jemisti nátıjelerin qaıtalady. Bes myńnan astam oqýshylar qatarynan iriktelgen 20 komandadaǵy 171 oqýshy arasynan ońtústikqazaqstandyq órender erekshe bilimdiligimen daralandy. Oblys atynan bilim saıysyna qatysqan 12 oqýshynyń altaýy júldeli oryndardy ıelendi. Baıqaý qorytyndysymen 3 altyn, 3 qola medaldi jeńip alǵan «Ońtústik Qazaqstan komandasy» İ oryndy ıelendi. Eki oqýshyǵa S.Demırel atyndaǵy ýnıversıtette, bir oqýshyǵa M.Áýezov atyndaǵy OQMÝ-da tegin bilim alý sertıfıkaty tabystaldy. Jeńimpazdardy OQO bilim, jastar saıasaty jáne tilderdi damytý basqarmasy basshysynyń mindetin atqarýshy S.Áýesqanov kútip alyp, qurmet kórsetti.