Elimizde kún saıyn 1 myńdaı, al jylyna 400 myńǵa tarta sábı dúnıe esigin ashady. Sońǵy on jylda bala týý kórsetkishi 25 paıyzǵa ósken. Memlekettik baǵdarlamalardy iske asyrý nátıjesinde salmaǵy 500 gramnan joǵary, shala týylǵan sábılerdiń ómirin saqtap qalý múmkin bolǵan. Tek sońǵy bes jyldyń ózinde salmaǵy 1,5 kıloǵa deıingi sábı­lerdi saqtap qalý 30 paıyzǵa art­qan. Brıfıńte sóz alǵan Den­saýlyq saqtaý jáne áleýmettik damý mınıstrligi Medısınalyq kó­mekti uıymdastyrý departa­menti dırektorynyń orynbasary Maǵrıpa Embergenova osy má­limetterdi alǵa tartyp, 2008 jyly shala týylǵan sábılerdiń 41 paıyzy aman qalatyn bolsa, qazir bul kórsetkishtiń 60 paıyzǵa jýyqtaǵanyn atap ótti. Ońtústik Qazaqstan oblysynda jylyna kem degende 80 myń bala dúnıege keletin bolǵandyqtan balalardy 100 paıyz balabaqshamen qamtý múmkin emes. Bul týraly búgin Shymkent qalalyq №1 balalar aýrýhanasynda ótken jıynda QR premer-mınıstriniń orynbasary Berdibek Saparbaev aıtty, dep habarlaıdy Bnews.kz. Berdibek Saparbaevtyń málimdeýinshe, Ońtústik Qazaqstan oblysynda Elbasy Nursultan Nazarbaevtyń bergen tapsyrmalary oryndalyp jatyr. «Qandaı da bir qarjylyq daǵdarys bolsa da oblystyń ekonomıkalyq kórsetkishteri byltyrǵy jylǵydan tómen emes. Sonyń arqasynda halyqtyń turmysy, ál-aýqaty jaman emes», - deıdi premer-mınıstrdiń orynbasary. Berdibek Saparbaev Ońtústik Qazaqstan oblysynda halyqtyń sany kóp bolýyna qaramastan aımaqta áleýmettik salada jasalyp jatqan jumystardyń kóp ekenine toqtaldy. «Oblystyń halqy kóp bolǵan soń, jylyna keminde 80 myń bala dúnıege keletin bolǵandyqtan balalardy 100 paıyz balabaqshamen qamtý múmkin emes. Qazirgi tańda 3-6 jas aralyǵyndaǵy balalardy balabaqshamen qamtý oblys boıynsha 76 paıyzdy quraıdy. Biraq bul respýblıkalyq kórsetkishten tómen. Osy baǵytta jumys jasaý kerek», - dedi Berdibek Saparbaev.