Elimizde Jeńis kúnine oraı Uly Otan soǵys ardagerlerine bir jolǵy tólem jasaıdy dep habarlaıdy Qamshy.kz aqparat agenttigi Eńbek jáne áleýmettik qorǵaý mınıstirliginiń baspasóz qyzmetine silteme jasap. 

Qazaqstanda aǵymdaǵy jyldyń 1 mamyryna  Uly Otan soǵysynyń 1425 qatysýshylary men múgedekteri, sondaı-aq 87 myńnan astam UOS ardagerleri ómir súredi.

Jergilikti atqarýshy organdar ardagerlerge qoldaý kórsetý jáne olarǵa qurmet tanytý boıynsha is-sharalar josparyn ázirledi. Ákimdikter ózderiniń búdjetteriniń múmkindigine qaraı birjolǵy aqshalaı tólem mólsherin bir-birinen bólek belgileıdi.

Nur-Sultan - 519 myń teńge,

Almaty - 250 myń teńge,

Shymkent - 250 myń teńge,

Shyǵys Qazaqstan oblysy - 542 myń teńge,

Aqmola oblysy - 500 myń teńge,

Pavlodar oblysy - 500 myń teńge,

Qaraǵandy oblysy - 300 myń teńge,

Atyraý oblysy - 300 myń teńge,

Aqtóbe oblysy - 300 myń teńge,

Batys Qazaqstan oblysy - 300 myń teńge,

Mańǵystaý oblysy - 250 myń teńge,

Soltústik Qazaqstan oblysy - 250 myń teńge,

Túrkistan oblysy - 250 myń teńge,

Qyzylorda oblysynda 202 myń teńge,

Qostanaı oblysy - 150 myń teńge,

Jambyl oblysy - 150 myń teńge.

Sonymen qatar, mınıstrlik 2019 jyly Uly Otan soǵysynyń árbir qatysýshysyna jáne múgedegine kem degende 300 myń teńge tóleýdi usynys jasady. Qorshaýdaǵy Lenıngrad turǵyndaryna - jalpy somasy 3,4 mln. teńgege 69 adamǵa, konslagerlerdiń jasy kámeletke tolmaǵan burynǵy tutqyndaryna (283 adam - 14,5 mln. teńge), qaıtys bolǵan UOS múgedekteriniń jubaılaryna (4 179 adam - 79,1 mln. teńge), UOS kezinde qaza bolǵandardyń jesirlerine (364 adam - 11,5 mln. teńge), tyl eńbekkerlerine (67 479 adam-1,3 mlrd. teńge) jáne UOS qatysýshylary men ardagerlerine teńestirilgen basqa azamattarǵa (15 066 adam-676 mln. teńge) túrli birjolǵy tólemder tıesili.

Budan basqa, UOS múgedekterin birinshi kezekte sanatorlyq-kýrorttyq emdeýmen, protezdik-ortopedıalyq buıymdarmen, protezdeý boıynsha medısınalyq qyzmettermen, sýrdoquraldarmen jáne basqa da kompensatorlyq qosalqy quraldarmen, mindetti gıgıenalyq quraldarmen, kreslo-arbalarmen jáne dárilik zattarmen qamtamasyz etý josparlanýda.

Jeńistiń 74 jyldyǵyna oraı 88 862 UOS ardagerlerine 2,6 mlrd. teńgeden astam somaǵa bir jolǵy materıaldyq kómek tólenedi.

Usynǵan: Ildar Adılchenov