Gennadıı Golovkın jańa bapkeri Djonaton Benkspen daıyndyq qalaı júrgizilip jatqany týraly beınejazba jarıalady dep habarlaıdy Qamshy.kz aqparat agenttigi Golovkınniń Youtube  arnasyna silteme jasap.

Gennadıı jattyǵý prosesinen basqa Las-Vegastaǵy T-Mobile Arena-da ótken Saýl Alvares - Denıel Djeıkobstiń jekpe-jegi týraly aıtty. Ol bokstaǵy úlken shoýlardy saǵynǵanyn jáne ne sebepti bapkerin aýystyrǵanyn da baıandady.

«Iá, muny jańarý desek te bolady: komandamyzǵa jańa lep keldi, barlyǵyna jańa kózqaraspen qarap jatyrmyz. Men osyǵan deıin durys emes jolmen júrdik dep aıta almaımyn. Biz mansap jolymyzda sátti qadamdar jasadyq, biraq qazir basqa joldar paıda boldy. Men ózimdi qazir barlyǵyn baıqap kórýge, bilýge talpynǵan úırenýshi sıaqty sezinemin. Maqsat bar. Ótken jolmen júrý mindet emes – basqa joldardy, basqa kózqarasty da synap kórý kerek», - dedi Gennadıı Golovkın beınejazbada.

Esterińizge sala ketsek, Golovkın Benkstiń bapkerligimen 8 maýsym kúni Nú-Iork qalasynda kanadalyq Stıv Rollspen jekpe-jekke shyǵady.

 Usynǵan: Marjan Sábet