Jaımashýaq jazdyń ár kúni mereke, ár kúni qýanyshqa toly ekeni ras-aq. Ásirese, mundaı merekeler balalar úshin erekshe este qalary sózsiz. Osyndaı bir erekshe, ári ózge merekelerge uqsamaıtyn, sypaty bólek qýanyshty kún – halyqaralyq balarǵa arnalǵan kitap kúni. Halyqaralyq balalarǵa arnalǵan kitap kúni 1956 jyldan bastap Halyqaralyq keńestiń sheshimimen jyl saıyn dat jazýshysy Gans Hrıstıan Andersenniń týylǵan kúnine oraı atap ótiledi. Kóptegen elderde balalar men jasóspirimder kitaby aptalyǵy aıasynda álemniń úzdik kitaptaryna arnalǵan baıqaýlar, kórmeler, konferensıalar men festıváldar ótkiziledi. Balalarǵa arnalǵan kitap kúnniń negizgi maqsaty balalardyń kóńilin bilim men tanymǵa arttyrý bolyp tabylady. Nemis jazýshysy Ielle Lepmannyń usynysymen paıda bolǵan bul kúni eki jylda bir ret balalar jazýshylaryna arnalǵan Halyqaralyq G.H. Andersen atyndaǵy syılyq beriledi. Kóptegen elderde bul kún aıasynda álemniń úzdik kitaptaryna arnalǵan baıqaýlar, kórmeler, konferensıalar men festıváldar ótkiziledi. Sonymen qatar bir apta boıy balalar men jasóspirimder jazýshylary kishkentaı oqyrmandarymen kezdesýler ótkizip, suraqtaryna jaýap beredi. Búgin — halyqaralyq balalarǵa arnalǵan kitap kúni. Aıtýly datany Arkadıı Gaıdar atyndaǵy qalalyq balalar kitaphanasynyń ujymy aıryqsha atap ótti. Kitaphananyń kishkentaı oqyrmandary merekelik sharaǵa erekshe daıyndalǵan. Biri avtorlardyń eńbekterin jatqa oqysa, endi biri «Ertegiler eline» saıahat jasap, qoıylymdaryn usyndy. Merekelik án-tartý joldaýdy da umyt qaldyrmady. Aıta keteıik, búginde balalar kitaphasynyń qory 400 myń kitapqa taıady. Bıyldyń ózinde 3000-ǵa jýyq kitappen tolyqqan ujymǵa jańa elektrondy dybysty eńbekter de jetkizilip jatyr. Ol qural kitaptaǵy jazýdy dybystap beredi. Ásirese, zaǵıp jandar men oqýdy endi úırenip júrgenderge taptyrmas qural. Balalar arasynda úlken suranysqa ıe bolyp otyrǵan zamanaýı dúnıe ázirge munda 2 dana.