«Aǵymdaǵy jyldyń 15 sáýiri men 15 jeltoqsany aralyǵynda Maqtaaral aýdanynda Halyqaralyq Eńbek Uıymynyń «Maqtaaral aýdanynda balalar eńbeginiń monıtorıń júıesin qurý» dep atalatyn joba júzege asyrylýda. Onyń sheńberinde atalǵan aýdanda 5 monıtorıńtik top quryldy. Joba aıasynda maqta alqaptarynda eńbek etýge májbúr balalardyń otbasylaryna 3 ret azyq-túlik berildi. Joba shamamen 50 myń AQSH dollaryn quraıdy. Monıtorıń toptary anyqtaǵan 130 bala úshin oqýǵa arnalǵan qural-jabdyqtar satyp alyndy. 16-18 jas aralyǵyndaǵy 20 bala qazirgi ýaqytta belgili bir kásip boıynsha mamandyq alýda», - dedi ol. Ǵ.Júsipovanyń aıtýynsha, búginde maqta alqaptarynda eńbek etip jatqan balalardyń sany edáýir azaıǵan. «2008 jyly balalar quqyǵyn qorǵaý basqarmasy balalar eńbegine baǵyttalǵan óz jumysyn bastaǵan kezde, bir ǵana Maqtaaral aýdanynda maqta alqabynda eńbektenip júrgen 400-den astam bala anyqtalǵan. Al qazirgi ýaqytta júıeli júrgizilgen jumystardyń arqasynda, sońǵy reıdtik sharanyń nátıjesi boıynsha maqta terýmen aınalysyp júrgen 11 bala anyqtaldy jáne bul balalar óz ata-analarynyń alqaptarynda eńbektengenin eskerý qajet. Sebebi, búginde atalǵan aýdanda alqap kólemi 5 gektardan aspaıtyn 23 myńnan astam shaǵyn sharýa qojalyqtary bar. Mundaı shaǵyn sharýa qojalyqtarynyń jumysshy nemese tehnıka jaldaýǵa shamasy jetpeıtini belgili. Sondyqtan, olar óz balalarynyń eńbek kúshin paıdalanady», - dedi basqarma basshysy.