Ońtústik Qazaqstandaǵy oń qadamdardyń biri – búldirshinderdi jan-jaqtylyqqa baýlýǵa baǵyttalǵan mádenı is-sharalardyń jıi uıymdastyrylyp keletindigi. Ásirese talantty balalardyń ónerin ushtaýǵa, jelkenin úrleýge baǵyttalǵan taǵy bir keremet shara «Bal óner — 2015″ balalar jáne jasóspirimder teatr ujymdary» baıqaýy uıymdastyryldy. Bul týraly «Qamshy» portaly habarlaıdy. Búgingi búldirshin–erteńgi tulǵa. Sondyqtan qashanda da bolsa bala quqyǵy saqtalýy tıis. Jazdyń jaımashýaq kúninde toılanatyn balalar merekesinde biz aldyńǵy býyn ókilderi balalarǵa qýanysh syılaý múmkindigine ıe bolamyz. Óner aspanynda qalyqtaýdy armandaıtyn «Aıgólek» baıqaýyna qatysýshy ónerpazdarǵa aq jol tilep, ónerpazdarǵabaǵa berýshi ádilqazylar alqasyn saılap alyp, baıqaýdy bastap ketti. Shymkenttegi oqýshylar saraıynda «Bal óner — 2015″ balalar jáne jasóspirimder teatr ujymdary arasynda baıqaý ótti. Saıysqa 5-21 jas aralyǵyndaǵy úmitkerler qatysqan edi. Úmitkrelerdiń arasynda arnaıy teatr ujymdarynda kásibı bilim alatyn shákirttermen qatar bilim oshaqtarynda oqıtyndar da bar. Jarys barysynda «Shattyq», Káýsar bulaq», «Balaýsa», «Aı-talant» teatr ujymdary ózara saıysqa tústi. Jas ónerpazdar «Jeti laq», «Jańa jyl jaqsylyqtary», «Eki laq» syndy halyq ertegilerin sahnalaýmen qatar D.Isabekovtyń «Kıeli alma», N.Garnettiń «Balapan jáne onyń dostary» atty týyndylaryn da kóremenge tartý etti. Ádilqazy músheleri jas teatr ártisterin túrli baǵyttar boıynsha baǵalady. Basty talap  — qatysýshylardyń ózin-ózi sahnada ustaýy, kórermendi sendire alýy, ártistik qabileti. Baıqaýdyń qorytyndysy boıynsha bas júldeni «Format E» mektep-stýdıasynyń músheleri jeńip aldy. Jetekshisi — Erlan Áýesbaev. Al birinshi oryn «Aı-talanttyń» búldirshinderine buıyrdy. Oqýshylardy teatrǵa baýlý, kórkemdik-estetıkalyq talǵamyn qalyptastyrýǵa baǵyttalǵan baıqaý osymen altynshy jyl qatarynan ótkizilip otyr.