QR Prezıdenti QasymJomart Toqaev búgin Qyzylorda oblysyna arnaıy baryp, aımaqtyń ekonomıkalyq damý qarqynymen, halyqtyń ál-aýqatymen tanysty. Sapar barysynda memleket basshysy "Baıqońyr" arnaıy ekonomıkalyq aımaǵyn qurýǵa tapsyrma berdi dep habarlaıdy Qamshy.kz aqparat agenttigi Vlast.kz saıtyna silteme jasap.

"Jergilikti joldar, sý júıesi, elektr jaryǵy jelisi, mádenı jáne sport keshenderi, bári jańartylýy kerek. Osy baǵytta oblystyq ákimshilik arnaıy josparlardy daıyndaýy shart", - dedi Toqaev.

Memleket basshysy óziniń Baıqońyr qalasy jaıly pikirin bildire kelip, bul aımaqta arnaıy ekonomıkalyq aımaq qurý qajettigin jetkizdi.

"Baıqońyr qalasynyń ınfrastrýktýrasyn damytý jumystary astaldy. 30 jyl ishinde bul jaqta birinshi ret kópqabatty úı men medısınalyq ortalyq salynýda. 5 mektep qazaqstandyq standartqa saı bilim berý baǵdarlamasyna kóshti. Komýnaldyq mekemelerge jóndeý jumystaryn júrgizý jáne alty turǵyn úı men mektep qurylysy josparlanýda", - dedi ol.

Prezıdenttiń aıtýynsha, aımaq ákimshiligi Baıqońyrdy damytý jónindegi baǵytty anyqtap, jedel arada AEA qurý kerek.

"Bul qalada ornalasqan ǵarysh aılaǵy turǵyndarǵa, kompanıalarǵa kóp yqpal etedi. Óıtkeni, osy ǵarysh aılaǵy arqyly iri kompanıalar men túrli tehnologıalyq startaptardy bastaýǵa bolady", - dedi Toqaev.

Aýdarǵan: Ádilet Mádenıet