Ońtústiktegi 63 myńnan astam kópbalaly anaǵa qurmet kórsetildi. Bul týraly ákimdiktiń baspasóz qyzmeti habarlaıdy.
— Memleket basshysy áıelderdiń qoǵamda alatyn ornyn baǵamdap, «Áıel qýanyshy – úıdiń, otbasynyń, Otannyń mereıi» degen bolatyn. Búginde názik jandy arýlar qoǵamnyń túrli salalarynda jemisti jumys jasaýda, — dedi óziniń quttyqtaý sózinde Asqar Isabekuly. — Qazaq áıeldi otbasynyń yrysy, uıytqysy dep uǵynǵan. Halqymyzdyń tatýlyǵyn, aǵaıynnyń birligin, shańyraqtyń berekesin ustaýshy da ana. Ómirge urpaq ákelip, tirshilikke tirek bolǵan qajyr-qaırattary úshin biz ardaqty ana men asyl jarǵa, aıaýly názik jandarǵa árdaıym qurmetpen qaraımyz. Kóktemniń jupar ıisi men shýaǵyn ala kelgen mereke barshańyzǵa baqyt syılasyn. Denderińizge saýlyq, otbasylaryńyzǵa amandyq tileımiz!
2014 jylǵy statısıkalyq derekter boıynsha oblysta halyq sany 2 mln. 780 myń adamdy qurasa, onyń 1 mln. 400 myńdaıy áıelder eken.
Solardyń ishinde mádenıet salasynda eńbek etetinderdiń jartysynan astamyn, ulaǵatty ustazdardyń — 75, al medısına mamandarynyń 87 paıyzyn názik jandylar quraıdy. Shaǵyn jáne orta kásipkerlik salasynda da kásiptiń kózin tapqan arýlar da jeterlik.
Sonymen qatar óńirde 152358 kóp balaly áıel bolsa, 30046 ana — «Altyn alqa» ıegeri, 38824 ana «Kúmis alqa» alǵan. Al 8174 áıel birinshi jáne ekinshi dárejeli «Ana dańqy» ordeniniń ıegeri atanyp otyr. 75314 ananyń 4 jastan 18-ge deıingi bala tárbıelep otyr. Derekkóz: OQO ákimi apparatynyń baspasóz qyzmeti
