Shymkentte «Damý» qorynyń qoldaýymen balabaqsha ulǵaıtyldy. 112-oramda ornalasqan mektepke deıingi mekeme endi 100 balaǵa deıin qabyldaı alady. Zamanýı talapqa saı boı kótergen nysanda qyzmetshiler qatary da artyp otyr. Munda bı sabaǵy logorıtmıka ádisimen ótip jatyr. Búldirshindermen birge bılep júrgen horeograftar bul ádis balanyń mýzykalyq qabiletin de ashady deıdi. Al áýezdi ánge yrǵalǵan juptar kóktem merekesine daıyndyqtaryn bastap ketken. Balabaqshaǵa degen suranys jyl sanap artyp keledi. Osyny eskergen menshik ıesi kásibin keńeıtýdi josparlaǵan. Qordyń qoldaýymen jeńildetilgen paıyzben nesıe rásimdep, syıymdylyqty arttyrý úshin qosymsha ǵımarat salypty. Balalar baqshadan qazaq, orys, aǵylshyn tilderin úırenip shyǵady. 5 jyldan beri jumys istep kele jatqan mekemede búginde 1 jastan 5 jasqa deıingi 40 bala tárbıelenip jatyr. Endi bala sany da artyp, jańa jumys oryndary da ashylady. Balabaqsha ázirge tolyq jáne jarty kúndik tártipte jumys isteıdi. Tárbıeshiler endi ata-analardyń ótinishi boıynsha uzartylǵan kún tobyn ashyp, tipti, demalys kúnderinde de balalardy qabyldaýǵa ázir. Iá, Elbasy tapsyrmasyn buljytpaı oryndaý árqaısysymyzdyń boryshymyz ekeni naq. Osyndaı ıgi bastamalarǵa qoldaý bildirýdi ózderine paryz sanaǵan «Damý qory» basshylary  Bıznestiń jol kartasy 2020» baǵdarlamasy boıynsha bala-baqsha ashýdaǵy alynatyn nesıege beriletin jeńildikterge toqtalyp jáne memleket tarapynan berilip otyrǵan kómekti paıdalaný kerektigin aıtyp otyr. Sonymen qatar,  oblys ákimi jergilikti basshylaqtar men birlese otyryp, «Bir jeńnen qol shyǵarýǵa», kásipti damyta otyryp, áleýmettik mańyzdy máselelerdi sheshýge at salysýǵa shaqyrdy.