Elbasymyzdyń bıylǵy halyqqa arnaǵan kezekti Joldaýy eldik máselelerge jan-jaqty sholý jasap, aldaǵy maqsattarymyzdy aıqyn kórsetýimen erekshelenedi. «Qazaqstan álemdi óz jetistikterimen tań qaldyrdy» degen Prezıdentimizdiń sóziniń aqıqatyn halyq memleketimizdegi órkendi ózgerister arqyly kórip, sezip otyr. 2010 jylǵy qańtar aıynda Prezıdent úkimet pen ákimderge balalardy mektepke deıingi bilimmen qamtý boıynsha «Balapan» arnaıy baǵdarlamasyn júzege asyrýǵa kirisýdi tapsyrdy. «2020 jylǵa qaraı qalalyq jáne aýyldyq jerlerdegi balalardyń bári mektepke deıingi oqytý jáne tárbıemen qamtylýy kerek. Bizde ol úshin barlyq múmkindik bar, áleýetimiz joǵary, memlekettik-jeke menshik áriptstik – bári bar», - dep eske saldy Nursultan Ábishuly. Elbasy «Nurly jol» atty kezekti Joldaýynda mektepke deıingi uıymdardaǵy oryndar tapshylyǵyn barynsha azaıtýdy tapsyrdy. Ol úshin Prezıdent 20 mlrd. teńge qosymsha qarajat bólýdi buıyrdy. Demek, kóp uzamaı ondaǵan balabaqsha ashylady degen sóz. Bul balabaqshalardy ashý barysynda jergilikti organdar mektepke deıingi osy mekemelerde jumys isteıtin tárbıeshiler men meńgerýshilerdiń kásibı deńgeıin de nazardan tys qaldyrmaýy shart. Mine, Elbasy tapsyrdy. Ákimshilik oryndady. Shymkenttegi Samal jáne Tulpar shaǵynaýdandaryndaǵy 320 oryndyq eki balabaqsha búldirshinderdi qabyldaýǵa tolyq daıyn. Qurylys jumystary 2012 jyly bastalǵan nysandar respýblıkalyq búdjet qarjysyna salyndy. Árqaısysynyń qurylysyna 500 mln. teńgeden jumsalǵan. Búgingi tańda merdiger mekemeler qajetti quraldaryn jetkizip, jabdyqtaýǵa kirisken. Qalalyq bilim bóliminiń mamandary bul balabaqsha naýryz aıynda balalardy qabyldaıdy dep málimdedi.