Ulttyq bank tóraǵasynyń orynbasary Oleg Smolákov "7-20-25" ıpotekasy úlgisinde avtonesıe baǵdarlamasyn iske asyrmaýdyń sebebin túsindirdi dep habarlaıdy Qamshy.kz aqparat agenttigi Sputnik Qazaqstan caıtyna silteme jasap.

Onyń aıtýynsha, bas kezinde "Baspana" kompanıasy "7-20-25" úlgisinde ıpotekamen qalaı jumys istese, týra solaı avtokredıtti de retteıdi degen jospar bolǵan. Alaıda bank basshylyǵy jańa bastamanyń ornyna qazirgi 4 prosenttik avtokredıt baǵdarlamasyn kúsheıtken durys degen sheshimge keldi. 

"Endi, "Baspana" osy máselege aralaspaıdy. Búginde 4 prosenttik avtokredıt baǵdarlamasy bar. Onymen Qazaqstannyń damý banki jáne taǵy birneshe bank aınalysady. Biz osy baǵdarlamany qarjylandyraý kólemin arttyratyn bolamyz ", - dedi Smolákov.

Ulttyq banktiń josparyna sáıkes, qosymsha qarjy Qazaqstannyń damý bankiniń oblıgasıalaryn satyp alý arqyly tartylady. Búginde ondaı mehanızm bar.     

"Sóıtip, qosymsha qarjyny 4 prosenttik avtokredıt baǵdarlamasyna jiberýge bolady. Negizi, basqarma sheshiminiń jobasy qabyldandy. Bylaısha aıtqanda, biz daıynbyz. Basynda "7-20-25" úlgisinde jańa bir mehanızmdi engizýdi oıladyq. Biraq 4 prosenttik avtokredıt turǵanda jańa mehanızmniń qajeti qansha? Sol sebepti biz qazirgi baǵdarlamany kúsheıtken durys dep sheshtik", - deıdi Smolákov.

Aıta keteıik, aǵymdaǵy jyly 30 qańtarda bolǵan úkimet otyrysynda ulttyq banktiń sol kezdegi basshysy Danıar Aqyshev "7-20-25" ıpotekalyq baǵdarlamasy úlgisinde avtokredıt berýge bolatynyn málimdegen. Bank atalǵan bastamany qysqa ýaqyttyń ishinde iske asyrýǵa daıar bolǵan. Qazaqstannyń tuńǵysh prezıdenti Nursultan Nazarbaev ta atalǵan bastamany qoldady.

25 aqpanda Danıar Aqyshev ulttyq bank tóraǵasy qyzmetinen bosatyldy. Onyń ornyna Erbolat Dosaev keldi. Al 9 sáýirde D.Aqyshev Qazaqstannyń tuńǵysh prezıdenti – Elbasy Nursultan Nazarbaevtyń kómekshisi bolyp taǵaıyndaldy.

Usynǵan: Maqpal Sembaı