Tabıǵat adamzatty tańqaldyrýyn jalǵastyryp keledi. Vetnamdaǵy jer asty álemi adamzatty tańqaldyrdy dep jazady Qamshy.kz aqparat agenttigi.

Vetnamnyń ortalyǵynda, Nha-Ke Bang ulttyq parkinde ǵajaıyp flora men faýnasy bar Shondýng úńgiri ornalasqan. Ony eń alǵash ret 1991 jyly jergilikti fermer Ho Hannan tapqan. Qyzyǵy, úńgir óte keń. Bıiktigi de adamdy tańǵaldyrady. Shamamen 40 qabatty úıdiń bıiktigine jetedi. El astanasy Hanoıden shashamen 200 mıldeı qashyqtyqta oryn tepken. Zertteýshilerdiń aıtýynsha, úńgirdiń "jasy" shamamen 2-5 mln jylǵa jetedi.

Úńgirdiń ishinen  kóptegen janýarlar men ósimdikter tabylǵan. Uzyndyǵy 9 shaqyrymǵa, eni 150 metrge sozylǵan jeke álemdi zertteý áli tolyǵymen aıaqtalmaǵan. Ár kezde zertteýshiler úńgirden jańa, tańǵajaıyp nárselerdi tabady.

Úńgirge enetin kún sáýleleriniń arqasynda biregeı ekojúıe paıda bolǵan. Jer asty ormanynyń aǵashtarynda maımyldar sekirip, sýynda ósimdikter ósedi, al tastaryn múk japqan. Onda jándikterdiń de únin estýge bolady.  

200 metr bıiktiktegi úńgirdegi úlken temperatýranyń aıyrmashylyǵyna baılanysty bulttar paıda bolǵan. Onda ózen, kól bar. Tipti, jaǵajaı da jasalǵan.