Shymkentte 270 oryndy qalalyq balalar aýrýhanasy ashyldy. Onyń jumys barysymen alǵashqy bolyp memlekettik hatshy Gúlshara Ábdihalyqova tanysty. Jańa medısınalyq mekeme kóp salaly balalar aýrýhanasy bolyp sanalady. Bul týraly «Qamshy» portaly habarlaıdy. Elbasy saıasaty arqasynda tek sońǵy eki-úsh jylda elimizdiń túkpir-túkpirinde kóptegen ónerkásiptik, áleýmettik nysandar iske qosyldy jáne kúrdeli jóndeldi. «100 mektep, 100 aýrýhana» baǵdarlamasy sheńberinde óńirde bıyl densaýlyq nysany da  paıdalanýǵa berildi. Áleýmettiń áleýetine qyzmet etetin mundaı nysandardy salýda jáne der kezinde halyqtyń suranysyna jaýap bere bilýde Ońtústiq Qazaqstan obysy kósh basynda. Osyndaı bir nasandardyń biri – Asarda turǵyzylǵan jańa balalar aýrýhanasy. 27 kereýettik jańa aýrýhana jergilikti turǵyndardyń ıgiligine berilgen. Munda balalarǵa joǵary bilikti mamandar qyzmet kórsetedi. Aýrýhana ǵımaratynyń jalpy alańy — 24 myń sharshy metr, eki korpýsy bar. «A» korpýsynda hırýrgıa bólimshesi men operasıalyq blok ornalasqan. Al «B» korpýsynda basqa qurylymdyq bólimsheler jaıǵasqan. Qabyldaý bólmesindegi jaraqat pýnkti, shuǵyl travmatologıalyq shaǵyn operasıalyq bólme, qarqyndy terapıalyq emdeý palatalary qajetti qural-jabdyqtarmen jabdyqtalǵan. Zamanaýı úlgidegi 477 quralǵy bar. Onyń teń jartysy — otandyq ónim. Aýrýhanada 15 jasqa deıingi 10 myńnan astam jetkinshek stasıonarlyq em ala alady.