Ult kóshbasshysy Nursultan Ábishuly Nazar­baevtyń «Nýrly jol» Joldaýy – bul tek ekonomıkalyq saıasat qana emes, áleýmettik salaǵa jasalǵan qoldaý. Prezıdent Qazaqstan halqyna Joldaýynda: «Bilim, densaýlyq saqtaý, aýyl sharýashylyǵyn damytý baǵdarlamalarynyń jumysy jalǵasyn tabady» dep atap ótken bolatyn. Bul el turǵyndary, ásirese, aýylda turatyn otbasylar úshin óte mańyzdy. Áleýmettik ınfraqurylym, ıaǵnı medısınalyq mekemeler, mektepter men mektepke deıingi uıymdar odan ári damı beretini sózsiz. «2020 jylǵa qaraı qalalyq jáne aýyldyq jerlerdegi balalardyń bári mektepke deıingi oqytý jáne tárbıemen qamtylýy kerek. Bizde ol úshin barlyq múmkindik bar, áleýetimiz joǵary, memlekettik-jeke menshik áriptstik – bári bar», - dep eske saldy Nursultan Ábishuly. Ońtústik Qazaqstanda ótken jyly «Balapan» baǵdarlamasy aıasynda mektepke deıingi 160 uıym ashylǵan. Nátıjesinde búldirshinderdi qamtý kórsetkishi 67,2 paıyzdan 76,8 paıyzǵa ósken. Óńirde 115 bilim nysany salynp, sonyń 41-i iske qosylǵan. Aýdan búdjetteri esebinen qosymsha 13 ǵımarat paıdalanýǵa berilgen. 135 nysan kúrdeli jóndeýden ótken. Densaýlyq saqtaý salasynda 68 nysannyń qurylysy júrgizilip, onyń 64-i iske qosylǵan. 32 naýqasqa búırek almastyrý operasıasy jasalyp, aımaqtar arasynda alǵash ret baýyr almastyrý otasy sátti ótken. Júrgizilip jatqan sharalardyń nátıjesinde jalpy ólim kórsetkishi 5,5-paıyzdan 5,1-paıyzǵa tómendegen. Derekkóz: OQO ákimi apparatynyń baspasóz qyzmeti