Konor Makgregor ırlandyq úısiz, az qamtylǵan otbasyna arnap 8 úı saldyrtyp jatyr dep habarlaıdy Qamshy.kz aqparat agenttigi.

Ádette 30 jastaǵy sportshy áleýmettik jelini óziniń shamamen 75 mıllıon fýnt sterlıń quraıtyn baılyǵyn kórsetý úshin paıdalanatyn.

Biraq bul joly eki salmaqtaǵy UFC burynǵy chempıony Konor Makgregor óziniń " aýyz toltyrarlyq maqtanyshy" — Dýblındegi úısiz, az qamtylǵan otbasylarǵa arnap saldyrtyp jatqan segiz úıdiń qurylysyn kórsetti.  

Qurylys ornyna búgin keldim.  Bul jyljymaıtyn múlik qurlysyndaǵy eń alǵashqy jobam. 8 úı bitiýge taıaý qaldy. Úılerde úsh jatyn bólmesi bar. Munyń bári qala boıynsha áútúrli qonaqúılerdi meken etip júrgen, óz úıleri joq otbasylarǵa arnap salynyp jatyr. Sál shydasyn. Daýyldan keıin de kún shyǵady!

–"Qurylys aımaǵyn aralap shyqtym. Barlyq kórshilermen kezdestim. Jaqynda osynda otbasylar turatynan sezip, qýanyp turmyn. Olardyń jańa estelikteri, jańa ómirleri bastalady! Men bul isimdi maqtan tutamyn! Irlandıa jasasyn!"

Makgregordyń áleýmettik jelidegi jazylýshylary ádette sporttyq kólikter, qymbat vıllalar men jeke ushaqtarynyń sýretterin ǵana kóretin. Biraq bul jazbasy jankúıerleri arasynda óte joǵary tanymaldylyqqa ıe bolyp, oqyrmandary chempıondy basqa qyrynan tanı bastady.