Basqa ulttardy qaıdam, al, qazaq bıligindegilerdi (bılikti "úlken", "kishi" dep bólýge bolmaıdy. Sondaı-aq, bizdiń qazaq "bastyqty" da "úlken" nemese "kishi" dep bólmegen) buzatyndar – negizinen qazaqtyń jalpaq tilimen aıtqanda "til men jaǵyna súıengen" óner men ádebıetke jaqyn júretin nemese sol salanyń naǵyz "maıtalmandary" ana betsiz jaǵympazdar der edim.

Jaǵympazdar - tabıǵatynan jeke basynyń múddesi úshin, ashyǵyn aıtqanda paıdasy úshin neden de taıynbaǵan.

Ana qanisher Stalın kezinde jazyqsyz atylǵan 25 myńnan astam qazaq zıalylaryn atqyzǵandar - osy jaǵympazdar tabynan edi. Qazaqta bul naǵyz sý juqpas jaǵympazdar - áli kúnge deıin jyrtylyp-aırylady. Ony bárimiz jaqsy bilemiz. Bile turyp, bilmegensımiz. Ásirese, bılik tizgini qolynda turǵandar aıaq astynan sol jaǵympazdarǵa qudaıdaı senetin bolyp shyǵa keletinine tań qalam.

Bile bilgen adamǵa "JAǴYMPAZDYQ" - sonshalyqty jıirkenishti der edim.

Eger, shyn máninde kemel ult bolamyz desek, osy jaǵympazdarmen ashyq kúresti bastaýymyz kerek! Áıtpese, bári de kesh bolady.

Qurmetti úlkendi-kishili bılik tizgini qoldarynda turǵan qazaqtar!

Aınalalaryńyzǵa bir sátke durystap kóz salyńyzdarshy? Sizdi qansha jaǵympaz qorshap júr? Sony sanap kórdińiz be? Álde qazirdiń ózinde kózińizdi maqtanshaqtyq sheli basyp ketken be?

Tez arada osy silimtik jaǵympazdardan qutylmaı, Qazaq ult bolyp jarytpaıdy, jer betindegi jalǵyzym - meniń Qazaǵym!

JAǴYMPAZDAR, JOIYLSYN!

Turǵan kezde aǵyp túspeı kóz aman,
Qalam deseń jaman dertten tez aman,
Jaǵympazdar!
Jaǵympazdar!
Ultyma -
Ulttyq dert bop jabysqaly ne zaman?!.

Emes olar aqyl, esi kem kisi,
Jaǵympazdar – jalpaq-shesheı «kónbisi»!
Esti ediń ǵoı, qaıran Qazaq, esiń jı,
Jaǵymazdyq – quldyq derttiń belgisi!

Anaý seni nege sonsha maqtady ol,
Ar jaǵyna aýyr zilin saqtady ol...
Jeter halqym, jaǵympazdar joıylsyn!
Jeter halqym, esińdi jı, atqa qon!..

Avtor: Jumash Kókbóri