Halyqaralyq adam quqyǵyn qorǵaý ortalyǵynyń atqarýshy dırektory kaspi banktiń tutynýshylaryn alaıaqtar torýyldap júrgenin aıtty dep habarlaıdy Qamshy.kz aqparat agenttigi. Ol bul týraly óziniń feısbýk paraqshasyna jazdy. 

Aıda Zamanbekova birneshe kún buryn olx arqyly jıhaz satatynyn aıtyp, habarlandyrý bergen. Biraz ýaqyt ótkennen keıin oǵan jıhaz satyp alǵysy keletinin aıtyp, bir jigit habarlasady. Keıin jıhazdyń jarty aqshasyn tóleýge daıyn ekenin aıtyp, kaspi banktiń klıenti ekenin bilip alady. Keıin tutqany tastaı salady. Ol 2 mınýttan soń qaıta habarlasyp, aqshany kaspi qosymshasy arqyly aýdarǵysy keletinin aıtady. Álgi alaıaq sizge habarlama arqyly kod kelý kerektigin, sol sandardy tezirek aıtýyn surap, asyqtyrady. 

"Qudaıǵa shúkir, men onyń alaıaq ekenin birden túsindim. Ol maǵan kelgen kodty bilip alyp, kartochkadaǵy aqshamdy ózine aýdaryp almaq boldy", - dep jazǵan Aıda Zamanbekova. 

Aıda osyǵan qatysty kaspi banktiń menedjerine habarlasqan. Menedjer bolsa olx saıtyna tirkelgenderdi alaıaqtar torýyldap júrgenin, tipti aqshasynan aıyrylǵan birneshe qart kisiler habarlasqanyn aıtqan. 

"Alaıaqtar birinshi olx saıty arqyly sizdiń nómirińizdi taýyp alady. Keıin sizge habarlasyp, kaspi.kz qosymshasyna da birge kirip otyrady. Keıin sizdiń nómirińizdi tirkeıdi. Biraq ol paroldi bilmegendikten "paroldi umyttyńyz ba?" degen tetikti basady. Sodan soń sizge kody bar habarlama keledi. Keıin "sizge tez arada kodty aıtyńyz, men sizge aqsha jiberemin" deıdi. Eger siz álgi alaıaq qatty asyqtyryp, baıqamaı sol kodty aıtsańyz, bir sekýndta aqshańyzdan aıyryldym deı berińiz", - dep jazdy Aıda Zamanbekova. 

Aýdarǵan: Ásel Bolatqyzy