Táýelsizdik alǵannan beri biz tym qatty aıǵaılaıtyn bolyp baramyz. Meniń oıymsha bul rýhymyzdyń myqtylyǵynan nemese osaldyǵynan emes, aqyry qurıtynymyzdy bilip, amalymyz taýsylǵandyqtan, óler aldyndaǵy tuıaq serpip jatqan sońǵy áreketemiz bolsa kerek. Dalbasalap tal qarmaǵan áreketterimizdiń eshqaısysy da nátıje bermegendikten, esimiz aýysyp, ne bolsa sony sandyraqtaıtyn, qansha emdese de jazylmaıtyn jaman dertke shaldyqtyq. Joq, qazaq aqymaq halyq emes. Tym qatty sezimtal halyq
bolǵandyqtan, aqyrzamanynyń jaqyndap qalǵanyn ishki túısigimen sezip, atylý jazasynyń sońǵy kúnin kútken qylmyskerdeı ár kim óz betinshe jyndanyp jatyr. Baılarymyz tikushaqpen aspannan aqsha jaýdyryp óz betinshe. Kedeılerimiz ústerine benzın quıyp, ózderin-ózderi órtep óz betinshe. Aqyndarymyz ben jazýshylarymyz ózderin-ózderi maqtap óz betinshe. Feısbýkka qolymyz jetkenderimiz ózimizge-ózimiz ǵashyq bolyp, óz betimizshe. Búgingi qazaqtyń eshqaısysyna da renjýge bolmaıdy. Oǵan tek túsinistikpen qaraý kerek.Amangeldi Keńshilik, Facebook paraqshasynan
