Jazdyń basy bastala mektep bitirýshiler úshin mańyzdy sát bastaldy. Elimizdiń barlyq aımaqtarynda myńdaǵan talapker UBT synaǵynan ótýde.  Jyl saıyn bolatyn bul jaǵdaı óz dástúrinen jańylǵan joq. 2015 jyly  UBT erejelerine ózgerister engizildi. Jalpy bıyl UBT 2-8maýsym aralyǵynda bolady.  6 maýsym UBT-nyń 5-kúni boldy. Dál sol kúni "Qamshy" tilshisi Almatydaǵy test pýnkterininń birinde boldy. Munda tańerteń balalaryn testke shyǵaryp salǵan ata-ana túske deıin saryla kútti. Bireýleri pýnkt aldynda bolsa, endi biri  ekranǵa  telmire qarap balasynyń ár is-qımylyn baqylady.  Al ekranda baqylaýshy qansha qadaǵalasa da túlekterdiń ereje buzýshylyqtary kórinip jatty. Sonymen 3,5 saǵat aıaqtalýǵa taıap qaldy. Túlekterdiń  qarasy da kórine bastady. Talapkerlerdiń  biri kúlip,  biri jylap shyqqanyna qarap test suraqtary kúrdeli  boldy ma eken degen oı keldi.  Al talapkerleriniń biri Dılára: «UBT maǵan qatty qıyn bolmady. Sebebi  suraqtardyń kóbisi ózime tanys boldy. Al matematıa pánine keletin bolsaq, mektepte ózim sheship júrgen baıqaý( probnyı) testtiń esepterine uqsaıtyn esepter boldy»-, deıdi. Alaıda budan ózge testten kóńilsiz shyqqandar da bar. Olardyń sózderinen túsingenimiz bireýinde ýaqyt jetpeı qalsa, endi bireýlerine test suraǵy qıyn bolǵanyn aıtýda. Al ata-ana bolsa, balalaryn jubatyp álek. Ulttyq Testileý ortalyńynyń málimetterine júginsek testileýdiń besinshi kúniniń nátıjesinde tyıym salynǵan zattardy qoldanǵan jáne aýdıtorıada tártip buzǵan úshin 48 bitirýshi testileýden shyǵaryldy, onyń ishinde:

- testileýge kirgizý barysynda bóten tulǵa ustalǵan – 5 bitirýshi;

- testileý ótkizý barysynda bóten tulǵa ustalǵan – 19 bitirýshi;

- uıaly baılanys telefondaryn paıdalanǵan – 20 bitirýshi;

- testileýge berilgen ýaqyt aıaqtalǵan kezde emtıhan materıaldaryn tapsyrýdan bas tartqan – 1 bitirýshi;

- rasıany qoldanǵan – 3 bitirýshi. Al jalpy statısıkaǵa nazar salsaq

2 jáne 6 maýsym aralyǵynda testileýge 78398 bitirýshi qatysypty.  Sonyń ishinde qazaq tilinde – 56009, orys tilinde – 22389 bitirýshi.

Eń joǵary 125 baldy jınaǵan bitirýshiler sany ázirge ózgergen joq. Ondaı bitirýshiler sany beseý:

- Erdosova Gúlnáz Jandosqyzy, Taraz qalasyndaǵy «Qazaq klasıkalyq B.Momyshuly atyndaǵy №45 gımnazıanyń» túlegi;

- Mustafına Rıana Erkinqyzy,Astana qalasyndaǵy «№59 mektep-lıseı MM-iniń» túlegi;

- Abdazımova Laýra, Ońtústik Qazaqstan oblysynyń Túlkibas aýdanyndaǵy «Túlkibas aýdanynyń úsh tilde oqytatyn mamandandyrylǵan daryndy balalarǵa arnalǵan mektep-ınternatynyń» túlegi;

- Samat Symbat Qýanyshqyzy, Batys Qazaqstan oblysynyń Terekti aýdanyndaǵy «Lıngvısıkalyq "Úmit" gımnazıasynyń» túlegi;

-  Iakovleva Anastasıa Vladımırovna, Almaty qalasyndaǵy «№90 lıseıiniń» túlegi.

5 kúnniń qorytyndysy boıynsha:

Osy ýaqytqa deıin testke 78398 bala qatysty.

50-den tómen bal alǵandar sany – 14576

100 baldan  joǵary  jınaǵandar sany – 13745

Al testileýdiń bir páni boıynsha qanaǵattanarlyqsyz ıaǵnı eki alǵandar sany – 3588

Qanıa Tabys