Amerıkanyń Florıda shtaty Klırýoter qalasynda úsh metrlik qoltyraýyn turǵyn úıge kirip ketti dep habarlaıdy Qamshy.kz aqparat agenttigi Lenta.ru saıtyna silteme jasap.

Qoltyraýyn tún ishinde adamdar shyrt uıqyda jatqan kezde kelgen. Ol jermen japsarlas ornalasqan as úıdiń terezesin syndyryp, ishke kiredi. Qoltyraýyndy as úıge tamaq ishýge kirgen úı ıesi baıqap qalǵan. Ony kórmesten buryn, janýar ústel men oryndyqtardy aýdaryp úlgergen kórinedi.

Úı ıesi dereý polısıaǵa habarlasqan. Oqıǵa ornyna arnaıy mamandar jiberilip, qoltyraýyndy ustap alǵan. Abyroı bolǵanda oqıǵa nátıjesinde adamdar zardap shekkender joq.

Mamyr aıy kezinde Florıda shtatyn mekendeıtin qoltyraýyndardyń kúıleý kezeńi bastalady. Ol maýsymda jalǵasyp, sosyn reptılıalar uıa sala bastaıdy. Osy aralyqta olar óte belsendi bolady, sondyqtan adamdardyń kózine jıi túsedi eken.

Florıdada mıssısıpılyq, Soltústik jáne Ońtústik Karolına, Djordjıa, Tehas pen Lýızıanada meken etetin qoltyraýyndar taralǵan. Uzyndyǵy 4,5 metrge jetetin qoltyraýyndar jıi kezdesedi, biraq olar orta eseppen 3,4 metrge deıin ósip, salmaǵy 200 kılogrammǵa deıin barady.