QR prezıdent mindetin atqarýshy Qasym-Jomart Toqaev jumys saparymen Atyraý oblysyna kelip, óńir qaýymymen kezdesti dep habarlaıdy Qamshy.kz aqparat agenttigi.

Kezdesý kezinde prezıdent oblystaǵy eń basty problemalary týraly sóz aıtty.

“Jergilikti turǵyndardy mazalaıtyn máselelerdiń biri – ekologıalyq ahýal. Eń áýeli, Kaspıı men Jaıyqtyń aıryqsha áleýetin saqtap, ony tıimdi paıdalaný qajet. Atyraýdyń ekologıasy – tek oblystyń ishki máselesi emes, ony sheshýge barlyǵymyz bir kisideı jumylýǵa tıispiz”, - dedi QR prezıdent mindeti atqarýshy.

Sonymen qatar, balyq sharýashylyǵy týraly óz oıyn jetkizdi.

“Jaıyqtaǵy balyqtardyń hlorǵa ýlanyp, jappaı qyrylýy búkil eldi alańdatty. 118 tn. balyq qyryldy, onyń 108 tn. – bekire tuqymdas. Balyq zaýyttarymyz 60% qýatymen ǵana istep turǵanyn eskersek, bul – orasan shyǵyn. Men bul jaǵdaıdy tikeleı baqylaýǵa aldym”, - memleket basshysy.

Onyń aıtýynsha, gıdrotehnıkalyq nysandar uzaq ýaqyt boıy jóndelmegen jáne jańǵyrtylmaǵan.

“Halyqty taza aýyz sýmen qamtamasyz etýdi aıtpaı ketýge bolmaıdy. Ózdiginen sý shyǵaryp jatqan 120 uńǵyma óńirdiń sý qoryna aıtarlyqtaı nuqsan keltirýde. Olar joıylýy tıis!” – Toqaev.

Daıyndaǵan: Ildar Adılchenov