Jarysta elimizdiń túkpir-túkpirinen 33 balýan baq synasty dep habarlaıdy Qamshy.kz aqparat agenttigi.

Fınaldyq beldesýde shyǵysqazaqstandyq Aıbek Nuǵymarov jerlesi Erasyl Qajybaevty taza jeńip, eki dúrkin "Qazaqstan barysy" atandy.  

Eske salsaq, Aıbek Nuǵymarov 2013 jyly da jeńiske jetken edi.

Kil myqtylar baq synasqan jarys elordanyń «Barys-Arena» sport kesheninde ótti.

Jeńimpaz 25 mıllıon teńge, al bapkeri 3,5 mıllıon alady. Odan bólek, olarǵa altyn belbeý men altynnan quıylǵan aýyspaly "Taıtuıaq" tabys etiledi.

Ekinshi oryn alǵan balýanǵa 5 mıllıon 500 myń teńge, úshinshi oryn alǵan sportshyǵa 1 mıllıon 800 myń teńge beriledi. Sonymen qatar, palýandar ár jeńisi úshin 100 myń teńgege ıe bolady.