27 mamyr kúni Ǵylym ordasynda «Adyrna» ulttyq-etnografıalyq birlestigi «Azamattyq bastamalardy qoldaý ortalyǵynyń» tapsyrysymen «Dástúrli rýhanı qundylyqtardy qoldaý jónindegi jumystardy uıymdastyrý» atty áleýmettik joba aıasynda R. B. Súleımenov atyndaǵy Shyǵystaný ınstıtýty men Fılosofıa, saıasattaný jáne dintaný ınstıtýtymen birlese otyryp «Rýhanı jańǵyrý: dástúr men din máseleleri» taqyrybynda dóńgelek ústel ótkizdi.  Dóńgelek ústeldi «Adyrna» ulttyq-etnografıalyq birlestiginiń basshysy Arman Áýbákir ashyp, kelgen qonaqtardy tanystyrdy. QR BǴM ǴK Fılosofıa, saıasattaný jáne dintaný ınstıtýty dırektorynyń orynbasary, fılosofıa ǵylymdarynyń doktory, profesor Nurmuratov Serik «Ult qorǵany – ulttyq qundylyqtar» taqyrybynda, QazBSQA-nyń asıstenti, profesor Meıirmanov Amanjol «Dinı biregeılik jáne rýhanı qundylyqtar úndestigi» taqyrybynda baıandama jasady.  Sondaı-aq R.B. Súleımenov atyndaǵy Shyǵystaný ınstıtýty dırektorynyń orynbasary, ekonomıka ǵylymdarynyń doktory Ǵalymjan Dúısen men Berdaly Ospan, Erlan Tóleýtaı esimdi etnograftar ortaǵa shyǵyp sóz aldy. Dóńgelek ústelde stýdenttermen, qonaqtarmen pikir almasý bolyp, sóz alǵandar óz oılaryn ortaǵa saldy.