Almaty oblysynyń Talǵar aýdanyndaǵy Keńdala aýylynyń mańynda avtobýs aýdaryldy dep habarlaıdy Qamshy.kz aqparat agenttigi sputniknews.kz saıtyna silteme jasap.
Avtobýs úlken Almaty kanalyna túsken. Jol apaty týraly aqparat áleýmettik jelilerde tarady.
Jolaýshylar Talǵardan Almatyǵa bara jatqan. İshinde eki bala men júrgizýshimen birge alty eresek adam bolǵan.
Aldyn ala málimetke sáıkes, apatqa kóliktiń dóńgelegindegi aqaý sebep bolǵan, dep habarlady Almaty oblysy polısıa departamentiniń baspasóz qyzmeti.
"Jol apaty túski saǵat úsh kezinde Talǵar – Almaty jolynda boldy. Avtobýs júrgizýshisi - 56 jastaǵy er adam. Apat saldarynan kóz jumǵandar men zardap shekkender joq. Barlyq jolaýshyny dárigerler tekserdi", - dep habarlady oblystyq polısıa.
Oqıǵa boıynsha tıisti tekseris júrgizilip jatyr.
Pikir qaldyrý