Jartylaı orta salmaqtaǵy qazaqstandyq boksshy Saǵadat Rahmanqulov (5-1, 3 KO) kásibı rıngtegi kezekti kezdesýin ótkizdi dep habarlaıdy Qamshy.kz aqparat agenttigi Sports.kz.saıtyna silteme jasap.
Ol Meksıkanyń Tıhýana qalasyndaǵy boks keshi aıasynda jergilikti sportshy Danıel Armando Valensýelamen (36-37-2, 21 KO) jekpe-jek ótkizdi.
Jekpe-jek alty raýndqa eseptelgen, biraq qazaqstandyq ony besinshi raýndta merziminen buryn jeńispen aıaqtady. Bul – Rahmanqulovtyń Meksıkadaǵy alǵashqy jekpe-jegi. Munyń aldynda ol AQSH-ta judyryqtasqan. Kásibı deńgeıdegi jalǵyz jeńilisti qarasha aıynda pýertorıkolyq Nıklaýs Flastan tapqan. Qazaqstandyqtyń múddesin tanymal Vasılıı Lomachenko men Terens Kroýford sıaqty juldyzdarmen jumys isteıtin Top Rank pen Bob Arým promoýterlik kompanıasy qorǵaıdy.
