Angela Merkel Berlınde ótken Zelenskıımen kezdesý kezinde qol-aıaǵy dirildep, ózin nashar sezingen dep jazady Qamshy.kz aqparat agenttigi sheteldik BAQ-tyń deregin negizge alyp. Vıdeodan Angela Merkeldiń qolyn birneshe ret qozǵap, óziniń dirildep turǵanyn bildirtpeýge tyrysqanyn baıqaýǵa bolady.

Al Germanıa kansleriniń qasynda turǵan Zelenskıı óziniń áriptesine kómek kórsetpedi. Angela Merkeldiń mundaı kúıge dýshar bolýyna kúnniń ystyq bolýy sebep bolǵan. 

"Men keminde úsh staqan sý ishtim. Maǵan sol jetispegen sekildi. Qazir ózimdi jaqsy sezinip turmyn", - deıdi Angela Merkel.

Al Zelenskıı bolsa óziniń ne sebepti kómektespegenin pres-konferensıa kezinde túsindirýge tyrysty. 

"Men onyń janynda boldym. Maǵan senińizder ol tolyqtaı qaýipsizdikte boldy", dedi Zelenskıı.