Arystaǵy jarylys qazaq halqy úshin ortaq apat. Jelide jarylys zardaptaryn kórgen aqyndar, jan tebirenter óleńderin arnap jazyp jatyr dep habarlaıdy Qamshy.kz aqparat agenttigi.
Kórdim
Oqty kórdim terezemde jarylǵan,
Otty kórdim keregemde jaǵylǵan.
Kókti kórdim naızaǵaıy shaǵylǵan,
Kópti kórdim jalańaıaq sabylǵan.
Ana kórdim sábıinen aırylǵan,
Bala kórdim qusalyqtan qaıǵyrǵan.
Erdi kórdim eńkeıgenge qarasqan,
Eldi kórdim yntymaǵy jarasqan.
Kórgen kózim jasqa toldy,
Buladym!
Jylap turyp jurtqa amandyq suradym!
Serik Seıitman
24.06.2019 jyl
Batyrdyń uıqysy
Er azamat Eldik úshin shynyqsyn,
El qadirin Er bilmese, kim uqsyn?
Otanym dep otty keshken BATYRLAR
Jaý qaıtqanda tynym taýyp, tynyqsyn!
Serik Seıitman
25.06.2019 jyl.
Arys kóship barady...
Jaý jaqsy edi atysatyn betpe-bet,
Saqyrlaǵan, muz qursanǵan kókpeńbek.
Jastyǵymdy ala jatar edim ǵoı,
Kele jatsa týǵan jerge óktemdep.
Elim aman, jurtym tynysh jatqanda,
"Arys" kóship bara jatyr kemseńdep .
Keńes kómip ketken dúleı ajaldan,
Úrkip-shoshyp, elge qashan kelem dep.
Janyp Arys jatyr beıne ebelek,
Óz otyna óz órtener kóbelek.
Jaý jaǵadan almaı turǵan zamanda,
Óz oǵymyz jaýyp jatyr sebelep.
Eldiń ishin oırandasa "eskilik",
Dinim, tilim tilimdeldi egilip.
Bizge jaýdyń keregi joq, bilgenim,
Óz muńymnan ózim ólem kómilip.
Tiri qala aınalsa eger ólige,
Júrgen kezde tirlik-qamyt jegilip.
Urany kóp bul jalǵannan ne paıda?
Júrgen kezde qazaq jasy tógilip!!!
(s) Erlan İbitanov
Bizdi bireý oıata almaı jatqandaı,
Beıbit kúnde atylatyn oq qandaı?
Bes perishte ushyp ketti emes pe,
Aq matada jarqyraǵan aq mańdaı.
Bizdi bireý oıata almaı jatqandaı,
Beıbit kúnde jaý irgeden shapqandaı.
Bu halyqtyń basy kórgen talaıdy,
Shoqpardy da, judyryqty batpandaı...
Bizdi bireý oıata almaı jatqandaı,
Sý ishinde janyp turǵan ot qandaı?
Jaza almaıdy, syza almaıdy shyndyǵyn,
Til túgili taqyldaǵan joq tańdaı...
Bizdi bireý oıata almaı jatqandaı,
Jarq etedi juldyz kókten aqqandaı...
Jeti túnde adaspaǵan halyqty,
Jaryq kúnde adastyrǵan shoq qandaı!
Alla sabyr bersin! Ana men bala adaspasyn tynysh kúnde...
(s) Marǵulan Aqan
Pikir qaldyrý