Qyzylordalyqtar Arystaǵy oqıǵadan zardap shekkenderge gýmanıtarlyq kómek jiberdi dep habarlaıdy Qamshy.kz aqparat agenttigi Qyzylorda oblysy ákimdiginiń baspasóz qyzmetine silteme jasap.  

Azyq-túlik jáne basqa da qajetti zattarmen avtokólikter Arys qalasyna jolǵa shyqty.

Túrkistan oblysy Arys qalasynyń áskerı bólimindegi tótenshe jaǵdaıǵa baılanysty Qyzylorda oblysynan 15 tonna kúrish, 10 tonna un, 5 tonna qaraqumyq jáne 1,5 tonna sút túrinde óz kómegin jiberdi. Atalmysh kúrishpen oblystaǵy "Abzal ı K" JK, "Aqtóbe ı K" JSHS, "Abaı Dáýlet" JSHS, "Jan Araı" JSHS, "Aqjarma 2" SHQ, "Jańajol" JSHS, "Aqjarma ı K" FQ, "Aqmaıa" SHQ, "Tóńkeris K" SHQ, "Syr marjany" jáne "Túgisken TSH" JSHS aýylsharýyshylyq taýar óndirýshileri qamtamasyz etti.   

"Bul-qyzylordalyqtardyń Arystaǵy aǵaıyndary úshin bir tún ishinde jınaǵan gýmanıtarlyq kómegi. Biraq jumys áli jalǵasýda, oblys ákimi janynan jedel shtab quryldy, ol zardap shekken turǵyndarǵa gýmanıtarlyq kómek kórsetýdi uıymdastyrýmen aınalysady. Sonymen qatar, "Nur Otan" partıasynyń oblystyq fılıalynda Arys turǵyndaryna kómek qabyldaý pýnkti ashyldy. Aldaǵy kúnderi taǵy da osyndaı kómek túrlerin uıymdastyrýdy josparlap otyrmyz. Meniń oıymsha, bul zardap shekkenderdi qoldaý úshin jınalǵan qazaq halqynyń birliginiń dáleli", - dedi "Nur Otan" partıasy oblystyq fılıaly tóraǵasynyń orynbasary Erjan Baıtiles.

Sonymen qatar, jergilikti atqarýshy organdardyń 2000-nan astam memlekettik qyzmetshisi jarylystan zardap shekkenderge bir kúndik jalaqysyn aýdarmaq. Osy oqıǵaǵa baılanysty toqtatylǵan 5 poıyzdyń 1200 jolaýshysyna járdem berildi. Olarǵa ystyq tamaq pen sýsyndar jetkizilip, 15 jolaýshyǵa medısınalyq kómek kórsetildi. Sondaı-aq, jolaýshylardy jetkizý pýnktterine tasymaldaý úshin kólik uıymdastyryldy.