30 maýsym tańǵy altyda Nur-Sultanda jýrnalıs, belsendi Mádı Manatbektiń úıiniń terezesin belgisiz adamdar syndyryp ketken dep jazady Qamshy.kz aqparat agenttigi. Bul týraly jýrnalısiń ózi Facebook paraqshasynda jazdy.

Manatbektiń jazýynsha, bul - ózin qorqytý úshin jasalyp jatqan qoqan-loqqy. Ruqsat etilgen beıbit mıtıńke barǵyzbaý úshin jasalyp jatqan eskertý. 

"Tańǵy altyda páterimniń terezesin syndyryp ketti. Mıtıńtiń aldynda qorqytqan ne qozdyrǵan túrleri. Bundaı kezde kameranyń istemeı qalatynyn, tas laqtyrǵandardyń tabylmaıtynyn bilemiz. Eskertý, qorqytý jáne onyń amaldary degen sabaqtyń túri osylaı. Adamnyń jandy jeri otbasy, ondaǵy tynyshtyq, ol buzylsa báriniń de shyrqy ketetinin biledi bu bılik. Taǵy ne bolaryn alda kóre jatarmyz. Buıyrsa, "jazdym, jańyldym, elde bári keremet",- degen syńaıda vıdeoúndeý jazyp qalýymyz da múmkin. Ol kezde esh sózime senbeńizder", - dep jazdy Mádı Manatbek. 

Bılik belsendilerge 30 maýsymda Nur-Sultan jáne Almaty qalalarynda beıbit mıtıń ótkizýge ruqsat bergen.