QR Ulttyq banki áleýmettik jelilerde taraǵan «altyn» valútasy jóninde túsinikteme berdi dep habarlaıdy Qamshy.kz aqparat agenttigi QazAqparatqa silteme jasap.

«Áleýmettik jeliler men messendjerlerde teńgeniń qunsyzdanýy men Qazaqstannyń jańa valúta - altynǵa aýysatyny týraly aqparat taralyp jatyr. Aýdıohabarlamadaǵy belgisiz daýys kezekti ret qazaqstandyqtardy dollar satyp alýǵa úgitteıdi jáne qaryzǵa avtokólik, páter alýǵa keńes beredi. Ulttyq bank bul aqparattyń jalǵan, arandatýshylyq pen  ekonomıkalyq qaskúnemdikke shaqyratynyn málimdeıdi», - dep habarlady Ulttyq banktiń baspasóz qyzmetinen. 

Qasaqana jalǵan aqparatty taratýshylardy anyqtaý maqsatynda bank quqyqqorǵaý organdaryna júgingen. 

«Ulttyq bank aýdıojazbadaǵy daýysty tanyǵan adamdardy banktiń telefonyna nemese áleýmettik jelidegi resmı paraqshalaryna habarlasýdy suraıdy», - dedi qarjy ınstıtýtynan.