Áleýmettik jelide 8 jastaǵy balany ákesi armatýramen urǵany baıandalǵan vıdeo tarady. Beınejazbadaǵy aqparatqa sáıkes, ońbaı taıaq jegen bala qazir Almaty oblysy Eńbekshiqazaq aýdanynyń Esik qalasyndaǵy aýrýhanasynda jatyr dep  habarlaıdy Qamshy.kz aqparat agenttigi.

"8 jasar balany óz ákesi armatýramen uryp,  ólimshi kúıge jetkizgen. Anasy da dál osyndaı kúıde bas saýǵalap qashyp ketken. Almaty oblystyq aýrýhanaǵa túsken bala "Kómektesińizshi!!!  Ákemdi 20 jylǵa qamaýǵa bola ma?" dep jalynady. Erteń aýrýhanadan shyqsa, ony zań boıynsha jalǵyz týysy ákesine ǵana  beredi",  -dep  jazǵan jýrnalıs Gúlmıra Abyqaı óziniń Feısbýktegi jeke paraqshasynda.

Jýrnalıs Almaty oblystyq polısıa departamentinen, zańgerlerler men balalardyń quqyǵyn qorǵaýmen aınalysatyn ókilderden kómek suraǵan.  Balanyń ómirine arasha túsken  G. Abyqaı mundaı bassyzdyqty "otbasylyq kıkiljiń" dep qaramaýdy suraıdy.

Al Almaty oblystyq Polısıa departamentiniń baspasóz qyzmeti atalǵan is boıynsha QR QK 140 babyna sáıkes sot aldy tergeý bastalǵanyn jetkizdi.