«Nur Otan» partıasy Tóraǵasynyń Birinshi orynbasary Baýyrjan Baıbek Shymkent qalasynda ótken beıbit mıtıńke qatysty. Ol partıanyń Arystaǵy aǵaıynǵa qoldaý kórsetý maqsatynda qolǵa alǵan ıgi bastamalaryna kedergi keltirip, barlyq jumysty joqqa shyǵarǵysy keletin arandatýshylardyń bar ekenine nazar aýdaryp, halyqty ondaı aramzalardyń sońynan ermeýge shaqyrdy.

Beıbit sherýge arandatýshylardyń aıtaǵymen kóshege shyǵyp, «Nur Otan» partıasy Shymkent qalalyq fılıalynyń aldyndaǵy partıa týyn julmaq bolǵan jas jigit Nıazbek Erlan da qatysty. Ol óziniń sol kúngi áreketine qatty ókinetinin aıtyp, barsha qazaqstandyqtardan keshirim surady.

İs-sharada qalalyq máslıhat depýtattary, belgili qoǵam qaıratkerleri, zıaly qaýym ókilderi jáne jergilikti belsendi azamattar da eldiń arasyna iritki salyp, halyqty arandatyp júrgen alaıaqtarǵa qarsy pikirlerin ashyq aıtty.

Shara sońynda partıanyń týy kóterildi.