Apat bolǵan Arys qalasyndaǵy turǵyn úılerdi qalpyna keltirýge Shyǵys Qazaqstannan 25 qurylys kompanıasy qatysady. Bul jóninde Arysqa arnaıy baryp qaıtqan oblys ákimi Danıal Ahmetov málim etti dep jazady Qamshy.kz aqparat agenttigi. 

– Bizdiń oblys bes vagon (300 tonna) sement jetkizip berýge ázir. Shyǵys-qazaqstandyq qurylysshylar 541 turǵyn úı men nysandy qysqa merzimde qalpyna keltirip beredi. Olardyń 522-si jeke turǵyn úı bolsa, 15-i komersıalyq nysan, al qalǵany balabaqsha, kolej, oqý ortalyǵy men meshit sıaqty áleýmettik ǵımarattar, – deıdi Danıal Ahmetov. 

Resmı aqparatqa júginsek, Shyǵystan Arys qalasyna barlyǵy 25 qurylys kompanıasy men 750-den maman baratyn boldy. Budan bólek qajet bolǵan jaǵdaıda úılerdiń shatyry men terezesin ornatýǵa 190 maman qosymsha tartylady. 

Búgingi tańda Shyǵys Qazaqstan oblysy ákiminiń orynbasary Baqytjan Baıahmetov bastaǵan birqatar jaýapty tulǵa Túrkistan oblysynda júr.