Alǵash ret otandyq ártister Disney-diń kópshilik yqylasyna bólengen anımasıalyq  fılmderindegi tanymal sanýndtrekterdi qazaq tilinde shyrqady. Danıar Ótegen, Nurmuhammed Jaqyp, Adam, Kental, Danelıa Týleshova, Erden Jaqsybekov, Indı Edilbaeva, Jarqynaı Shalqar, Baljan Bıdash  sımfonıalyq orkestirdiń súıemeldeýimen jandy  daýysta án salyp, kórermenge  ónerlerin pash etti.

Qazaqstan úshin arnaıy jasalǵan baǵdarlama dısneılik kınokonserttiń resmı baǵdarlamasyna "Muzdy júrek" ("Holodnoe serdse"), "Ań patshasy Arystan"("Koról Lev"), "Sý perisi" ("Rýsalochka"), "Arý men qubyjyq", (Krasavısa ı chýdovıshe") "Mýlan", "Aladdın", "Pokahontas" sıaqty barlyǵy 22 múltfılmniń kompazısıa endi.

"Búgin biz Disney-diń eń úzdik ánderin alǵash ret  qazaq tilinde óz ártisterimizdiń oryndaýynda tyńdap otyrmyz. Bul bizdiń Astana kúni merekesine oraı balalarǵa jasaǵan syıymyz. Men TMD-daǵy Walt Disney komanıasyna jáne búgin bizdiń aramyzǵa otbasymen birge kelgen kompanıa ókili Igor Makarovqa raqmet aıtamyn. Mýzyka balalardyń boıynda meıirim men patrıotızmdi, adamgershilik qasıetter men kishipeıildilikti qalyptastyrady" - dedi "Bolashaq" KQ Qamqorshylyq keńesiniń qurmetti múshesi Baýyrjan Baıbek.

"Juldyzdar sherýi" qaıyrymdylyq kınokonsertiniń aıasynda 7 mln teńgeden astam qarjy jınaldy. Jınalǵan qarajat tolyqtaı "Bolashaq" korporatıvtik qorynyń áleýmettik jobalaryna jumsalady.  "Ár bala mektepke barýy tıis" jobasynyń aıasynda Nur-Sultan, Shymkent, Oral, Aqtaý, Atyraý, Qyzylorda, Pavlodar, Petropavl jáne Almatyda ınklúzıany qoldaý úshin 20 kabınet ashyldy.

Aýtızm jáne basqa da mentaldyq syrqaty bar 248 bala mektepke barýǵa múmkindik aldy. 2019 jyly Aqmola, Aqtóbe, Shyǵys Qazaqstan, Jambyl, Qaraǵandy, Pavlodar, Soltústik Qazaqstan jáne Túrkistan oblystarynda taǵy da 20 kabınet ashý josparlanǵan.

Qazaqstandaǵy ınklúzıvti bilim berýdi jetildirýge járdemdesý maqsatynda "Bolashaq" KQ bastamasy "Nur Otan" partıasynyń tarapynan "Kedergisiz keleshek" respýblıkalyq jobasynyń aıasynda qoldaý tapty.