Halyqaralyq boks federasıasy (IBF) álem chempıony meksıkalyq Saýl Alvaresten álem chempıony tıtýlyn tartyp alýy múmkin  dep habarlaıdy Qamshy.kz aqparat agenttigi BoxingScene.com. 

"Kanelo" kelesi jekpe-jeginde ýkraınalyq Sergeı Derevánchenkomen jekpe-jek ótkizbese, tıtýlynan aırylýy yqtımal.  IBF alty apta buryn "Kanelonyń" ókilderine hat jiberip, Derevánchenko tarapymen kelissózdi bastaýdy tapsyrǵan.

Alvarestiń komandasy hatqa jaýap bermeı, tıtýldy qorǵaý ýaqytyn keıinge shegerýdi suramaǵan. Sondyqtan IBF promoýterlik saýdalasýdy bastaýy múmkin. Al "Kanelo" kelesi jekpe-jeginde Derevánchenkomen judyryqtaspaıtynyn anyq aıtqan bolatyn.

Eger Alvarestiń ókilderi saýdalasýǵa qatyspasa, IBF erejesi boıynsha odan chempıondyq tıtýldy tartyp alady. Mundaı jaǵdaıda Derevánchenko bos qalǵan belbeýdi eń jaqyn úmitker qazaqstandyq Gennadıı Golovkınmen sarapqa salady.