SHQO-da shahtada jumysshy qaza tapty dep habarlaıdy Qamshy.kz aqparat agenttigi Shyǵys Qazaqstan oblysy boıynsha korporatıvtik baılanystar departamentiniń baspasóz qyzmetine silteme jasap.

KAZ Minerals málimetteri boıynsha, qaıǵyly oqıǵa 13 shildede saǵat 03.00 shamasynda "Vostoksvetmet" JSHS Orlov shahtasynyń aýmaǵynda bolǵan.

"Taý-ken massasynyń opyrylýy saldarynan Orlov shahtasynyń bekitýshisi qatty jaraqat alyp, qaıtys boldy. Taǵy bir zardap shekken adam aýrýhanaǵa jetkizildi, onyń ómirine esh qaýip joq. Oqıǵanyń mán-jaıy men sebepteri anyqtalyp jatyr, qaıǵyly oqıǵany tergeý boıynsha arnaıy komısıa quryldy. KAZ Minerals tobynyń basshylyǵy men ujymy qaza tapqan adamnyń týǵan-týystary men jaqyndaryna kóńil aıtady", - delingen habarlamada.