Belgili meksıkalyq jýrnalıs qazaqstandyq Gennadıı Golovkınniń yqtımaldy qarsylasynyń esimin atady, dep habarlaıdy Qamshy.kz aqparat agenttigi.
«Meksıkadaǵy táýelsizdik kúni merekesinde meksıkalyq chempıonnyń jekpe-jegin jurtshylyqqa tartý etý úshin sharshy alańǵa Saýl Alvarestiń ornyna Haıme Mýngıa shyǵady. Onyń qarsylasy retinde Gennadıı Golovkın qarastyrylýda. Kezdesý Las-Vegasta ótý múmkin» dep jazdy jýrnalıs.
Haıme Mýngıa WBO tujyrymy boıynsha birinshi orta salmaqtaǵy álem chempıony. Boksshylar byltyr kezdesýi múmkin edi. Alaıda Nevada shtatynyń Atletıkalyq komısıasy meksıkalyq bundaı úlken jekpe-jekke daıyn emestigin jeleý etip kezdesýge ruqsatyn bermegen. Meksıkalyqtyń jasy 22-de. Soǵan qaramastan GGG-dy judyryqtasýǵa únemi shaqyryp keledi.
