Bıyl qazaq ádebıetiniń kórnekti ókili, áıgili aqyn Tańjaryq Joldyulynyń týǵanyna - 110 jyl. Bar ǵumyryn Alashtyń azattyǵy úshin arnaǵan Tańjaryqtyń esimi qazaq tarıhynan óshpes oryn alary sózsiz. Ol - búgingi táýelsiz Qazaqstannyń irge tasyn qalap ketken Alashordanyń Qytaı jerindegi tikeleı ókili boldy. Alash ıdeıasynyń taratýshysy, joqtaýshysy atandy. Sonyń saldarynan sol kezdegi Qytaı ókimetiniń aıaýsyz ezgisine ushyrap, bar-joǵy 44 jasynda bu dúnıdemen qoshtasty esil Er!

Búgin saǵat 16:00-de, Almatydaǵy Jazýshylar Odaǵynda  aqyn rýhyna arnalǵan saltanatty kesh ótedi. Sálıqaly áńgime, áserli án tyńdaǵyńyz kelse Ádebıetshiler úıine tartyńyz, qadirli qaýym.

Aqyn Tańjaryq Joldyulynyń «Túrme hali» tolǵaýynan úzindi: ...Bári óldi Úrimjiniń qalasynda, Qyryq eki, qyryq úshinshi jyl arasynda. Qorlyqpen sol sabazdar ketti armanda, Balańnyń qaldy bul kek balasyna. Ólsek te, ólmes bizdiń ataǵymyz, Belgili istep júrgen «shataǵymyz». Alystan altyn sáýle bir kúlimder, Bolǵanmen qazir túnek jataǵymyz. Alatyn qundy qýyp ıemiz bar, Biz de elmiz shóbereli, atalymyz. Zulymǵa ras qarsy turǵanymyz, Ol da ras, qupıa uıym qurǵanymyz. Kekpenen qolymyzǵa qural alyp, Jelkeden gomındańdy urmaǵymyz. Kelseńder úrimjiniń qalasyna, Kóziń sal qaltarys, saı-salasyna. Osyny óle-ólgenshe umytpa dep, Tapsyryp ket balańnyń balasyna. Kórgenin atasynyń oqyp kórsin, Kektenip, kózin salyp, kóńil bólsin! Babamnyń tarıhy dep tabyn tanyp, Zalymnan kegin alyp, qolynda ólsin! Keledi tún ornyna jaryq sáýle, Senemin, emes munym beker áýre. Sózimniń túbin oıla endi elim, Qolyńa osy sózim tıse záýde.