Búgin Semeı qalasynda Muhtar Jákishevti merziminen buryn bostýǵa qatysty sot otyrysy ótýde dep jazady Qamshy.kz aqparat agenttigi. Sot zalyna Muhtar Jákishevti qoldaýǵa 50 shaqty adam jınaldy. Sot otyrysy Muhtar Jákishevsiz ótti. Sýdıa sottalýshymen vıdeo arqyly baılanysqa shyqty. Sot otyrysy ashyq túrde ótti. 

Muhtar Jákishev sot otyrysynyń sońynda sóıledi. 

"Men sońǵy 10 jylda alǵash ret el aldyna shyǵýym. Búgin alǵash ret sot otyrysy meniń qatysýymmen ótip jatyr. Osyǵan deıin 10 jyl boıy maǵan tek túrme týraly aıtty. Men ózime qandaı aıyp taǵylǵanyn áli kúnge deıin túsinbedim. Búgin alǵash ret ádildikti kórip otyrmyn. Ekinshá sot otyrysy kezinde maǵan sýdıa "joǵary mártebelim" dep sóıle dedi, men bolsam "sýdıa myrza" dedim. Atalmysh azamattyq shaǵymdar keıin paıda bolǵan edi. Tipti ekinshi sot otyrysynda meniń advokattarym bolmady. Tórtinshi sot otyrysynda meniń merzimimnen buryn bosatylýym týraly ǵana qaralǵan bolatyn. Sol kezdegi meniń densaýlyq jaǵdaıym eskerilý kerek bolǵan. Biraq sol kezdegi sot otyrysynda qandaı sheshim shyqqanyn ózderińiz de bilesizder. Shyndyq aýrý emes. Ony juqtyrýǵa nemese qoldan jasaýǵa bolmaıdy. Shyndyq árqaısymyzdyń júregimizdegi nárse. Árkim óz tańdaýyn jasaýǵa quqyly. Meniń oıymsha sybyrlap aıtylǵan shyndyq bárinen qatty estiledi", - deıdi Muhtar Jákishev.