Jas kelse-iske! Bul árıne Dáýren úshin myqty mektep. Nurjan Jalaýqyzy da orynbasarlyqqa Dáýrendeı jasty beker tańdaǵan joq. Sendi.

Bilimdiniń qashan da kúni – jaryq! Dáýren Omarov Shyǵys-Qytaı ǵylym jáne texnologıalar ýnıversıtetine ınjenerlik menedjment mamandyǵy boıynsha bakalavr dárejesin aldy. Atalǵan oqý ornynda ekonomıkalyq quqyq magıstry atandy. Qazir ol Shyǵys-Qytaı ǵylym jáne texnologıalar ýnıversıtetiniń qoǵamdyq menedjment jáne áleýmettik saıasat fakúltetiniń doktoranty.

Dáýren  qazaq, orys tilderimen qatar, aǵylshyn jáne qytaı tilinde erkin sóıleıdi. Ol buǵan deıin de jýrnalısıkanyń birtalaı mektebinen ótti. «Aıqyn» , Egemen Qazaqstan», «Astana aqshamy»  gazetteriniń Qytaıdaǵy tilshisi boldy.  «Erte turatyn el», «Merekesi mol memleket», «Jahanǵa jaıylǵan jurt» atty úsh kitap jazdy. «Qazaqstan» ulttyq arnasynyń Qytaı Halyq Respýblıkasyndaǵy menshikti tilshisi boldy. Aqparattyq - tanymdyq beınematerıaldar jarıalady.

Esime elge erte tanyldy, jýrnalısıkada da ózin erte tanytty.

«Shabyt» halyqaralyq festıvaliniń proza janry boıynsha gran-prıin, Jastar syılyǵy boıynsha  «Jyldyń jas jýrnalısi» nomınasıasyn jeńip aldy. «Daryn» memlekettik jastar syılyǵynyń ıegeri atandy. Bul ne? Bul «tulpar taı  kezinen tanylady» degendi bildiredi.

Endeshe jańa qyzmette senimdi aqtaıtynyna biz de senemiz!  

...Omarovtardyń osaly joq,  Dáýren! Saǵan sáttilik tileımiz.